Gloppen Lappe- og Quilteklubb

Ny gruppe for barn og unge

2012-01-18T20:33:00.003+01:00

Hallo alle !
Då er det 8 unge jenter til no som har meldt seg på. Så dette set vi i gong så fort som mogeleg.

Vi lurer difor på: Nokon som har stoff til overs som dei kan tenke seg å donere til desse ?
Det kan sjølvsagt vere smårestar,- blondar, tråd,- det de måtte kome på..., kanskje veit de om andre som har stoff liggande...,- det hadde vore veldig kjekt for desse å ha litt å boltre seg i! De kan ta det med på neste klubbkveld,- eller ta kontakt med Kari viss det passar betre.

Syhelg!

2012-01-16T18:46:00.002+01:00

Rapport frå syhelga! Sikre kjelder fortel at dei hadde det kjempekjekt,- og at her kunne godt vore fleire. Liv Ingunn har sendt bilete av noko ho laga. Kjempeflott! Nokon fleire som produserer her ute?

Syhelg på Gloppen Ungdomsskule

2012-01-08T14:50:00.002+01:00

Komande helg er det" ope hus" på Gloppen Ungdomsskule. Vi startar fradag kl 18 og laurdag kl 11. Alle medlemar kan kome og gå som dei vil og sy i lag, uten spesielt opplegg. Ha med mat, og kle godt på dokke, det er noko kjølegare i romma i helgane. Vel møtt!

Klubbkveld i januar

2012-01-07T12:10:00.003+01:00

Takk for sist! Vi var ikkje så mange denne kvelden,- og den kom nok noko brått på for mange, etter storm og nyttårsfeiring og forskjelleg anna.

Underteikna klarte til og med å gløyme fotoapparatet,- så dette blir eit tynt innlegg. Så eg tok no eit bilete av produktet mitt etter kvelden,- ein ikkje overpynta pose. Eg trur eg vil lage fleire slike,- kjekke småpresangar, kan jo pyntast lite eller mykje alt etter kven som skal ha den.

Send meg gjerne fleire bilete av det de held på med no utover i januar,- så held vi liv i bloggen!

Høgdepunktet på kvelden var den nydelege maten. Dei som ikkje var der gjekk glipp av festakaka til Reidun,- den skal vi få oppskrift på, og aldeles fantastiske grove julebrød frå Anna. Alle som har høve bør prøve desse,- dei smeltar på tunga,- og ha gjerne meierismør og ost på, då er det berre å sitje og smatte og småsukke over kor godt vi har det.

Grove julebrød !

3 dl heilkorn, 1 dl linfrø og 1/2 l vatn ligg natta over.

50 g gjær
1/2 l vatn
1/2 sps salt
1 sps sukker
1 og 1/2 ts grov anis
1/2 dl smelta smør
2 og 1/2 dl kveitekli
1 kg kveitemjøl
rosiner etter smak

3 former (laus deig, treng ikkje formast på førehand)

Anna har fått oppskrifta med Kirsten Holvik Hauge

Lukke til!

2011-12-29T10:01:00.004+01:00

Her er neste klubbaktivitet! Du treng 2stk stoff a 30cm + litt restar og vatt. Marie har brukt isbokslok for å avstive botnen. Dette gledar vi oss til å lage!

Her har Kari S laga eit søtt bilete
og her eit flott veggteppe. Dette har ho henta frå juleheftet: "fine sting".

Her er Marie sin AnnaKa løpar

Og her har Svanhild henta mønsteret frå quiltemagasinet

Og elles har Svanhild masseprodusert crazyquiltar i fantastiske fargekombinasjonar og nydeleg handverk.

Grethe har laga fin raud og kvit duk, enkelt og effektfullt

og her var noko for einkvar smak

Og Liv Ingunn kom med ekstra julegåver, møbelstoffprøver til alle som ville ha

Og mange prøvde seg på tulipankorgene.

Klubbkveld i desember - måtte dele opp i fleire små innlegg !

2011-12-24T09:51:00.007+01:00

Det er blitt ei heil stund sidan klubbkvelden vår. Problemer med nettverk og litt ymse får ta skulda. Her er ialle fall nokre smakebitar frå det som vart vist.

Først ut er Marie sine vinterenglar.

Buggy Barn stjerner, kjempefine

Fleire klemmepungar,- etter inspirasjon frå novembermøtet

Sally har kattedilla. Kjempeartigt mønster

Anna har som alltid stor og spennande produksjon.

Denne veska var inspirert av Bettina sitt kurs i vår.

Så har Anna laga nydeleg rund duk, med gullbroderi og greier. Detaljane kjem ikkje godt fram på biletet.

Og så ein løpar i japanske stoff. Her er maskinquiltinga sydd med litt tjukk tråd. Det gjorde seg godt her.

Annlaug har produsert fleire boksar til tennbrikettar.

Liv Ingunn har laga fleire modellar som eignar seg til 4H gruppa. Skinndetaljane er prikken over i'en.

Krympestoff

Og skinndetaljar her også, + møbelstoffrestar

Kari S har laga denne nydelege etter inspirasjon frå quiltemagasinet. Den kan både vere jul og ikkje jul !

Og Nyfrid har laga koseleg bamseteppe

Og traktorteppe etter bestilling frå vesleguten, flott på avstand og på nært hold.

Litt meir frå klubbkvelden i desember

2011-12-18T20:58:00.004+01:00

Denne gongen eit bilete frå dei flotte syskrina innvendig. No er det orden i sysakene!

Her har Laila laga bilete etter mønster i Quiltemagasinet

Og her er Quiltekoppen,- denne vert klubbaktivitet i januar !

Vi hadde julestemning, julekaker og urtegløgg. Tusen takk til dei som laga til!

Tulipankorg - klubbaktivitet onsdag 7.desember

2011-11-22T17:57:00.004+01:00

På neste klubbkveld viser Annlaug oss tulipankorga frå Dorothy. Her treng du 2 stoff i full breidde a 20cm eller 4 stoff i nesten full breidde a 10 cm. Vi tykte kanskje at det var finast med 4 ulike stoff. 40cm vliselin eller platevatt. Det er fint med nokre knappar til pynt, som også festar ihop korga.

På denne raude er det brukt 4 ulike stoff.

Styret var samla i stova til Annlaug, og vi fekk lov til å dele nokre smakebitar frå den hyggelege heimen.

Kven ønskjer seg slikt syrom til jul?????

Her frå eit kurs for eindel år tilbake med Patricia. Sikkert mange som laga slike, og desse held seg godt!

Då serverer vi altså heimelaga urtegløgg, har med julepakke kvar og dei som vil tek med symaskina og er med på klubbaktiviteten. Vi delar også ut halvårsplan for 2012.

Vel møtt!

Klubbkveld med boksar og klemmepung !

2011-11-09T17:37:00.007+01:00

Her var det søtaste for kvelden,- Hedda og Mari lagde kvar sin kjempefin klemmepung !

Annlaug har laga ferdig ein sekk som har lege uferdig ei stund. Nydeleg!

Annlaug har hatt kurs i syskrin. Her vart veldig mange fine, og ulike!

Solveig er enno inspirert av Marie sitt crazy-quilt kurs.

Marit hadde med seg mange godbitar. Her er koseteppet til barnabarna.

Og juletretreppet vart nesten for fint til å ha juletre på! Ho vart inspirert av temakvelden vi hadde tidlegare i år.

Janne har laga trkk til tennbrikettboksane. Her med bilete av amerikanske bilar.

Janne er alltid tidleg ute med å prøve det siste nye. Her anbefalar ho blondeglidelåsar som kan kjøpast blant anna på Primula.

AnnaKa sin julekalendar har Janne laga fleire av. Her brukar ho knappar istaden for hjarte rundt kanten.

Janne hadde også laga ein enkel og fin juleløpar.

Kari har tatt fram japansk bretteteknikk igjen.

og så har ho laga modell for Modehjørnet. Mønster frå Quiltemagasinet.

Liv og Jorunn studerer modellande til Torill.

Det var ikkje lange stunda før Lena og Jorunn hadde laga kvar sin klemmepung.

Solbjørg sin er også nesten ferdig.

Triveleg klubbkveld, god mat og godt frammøte. Då er det berre ein klubbkveld igjen før jul. Vi skal legge ut litt meir info om den på bloggen når det nærmar seg. Ha ei fin førjulstid!

Besøk til Desiree

2011-11-04T19:45:00.005+01:00

Vi hadde som fortalt før ein strålande dag på søndag, og her er nokre glimt frå butikken til Desiree. Dette teppet fekk ikkje eg heilt fram på biletet, men det var veldig fint avstemte fargar !

Her ein enkel komposisjon, og ein nydeleg kombinasjon av japanarar og stoff med gull i.

Desiree er glad i brunt og beige, denne er klassisk og veldig behageleg å sjå på!

Her er dei flytande stjernene skorne skeivt, det gjorde seg !

Her strevde Desiree med å få det jamnt, all skråskjeringa gjorde at det vart litt bulkete. Men kva gjer no det ? Dette skal ho gje til tepper som varmer. Veldig fine fargar!

Her eit fantastisk teppe !

Og igjen over til brunt og beige og vindmøller.

Same teppet. Aldeles fantastisk !

Her eit eksempel pa at Desiree tek utgangspunkt i eit mønster, og lagar sin eigen vri !

Her viser Desiree to tepper som mor hennar har laga. Ca 10 år gamle, nydeleg, og dei fortalde ei historie. Tenk at ein kan uttrykkje så mykje med to bilete !

Tusen takk til Desiree for eit fint foredrag og ein kjekk dag !

Besøk på Åmot operagard

2011-10-31T21:45:00.006+01:00

Det er vanskeleg å lage dette blogginnlegget,- vi fekk så mange inntrykk og ei slik fantastisk oppleving at det er vanskeleg å finne dekkande ord. Likevel dristar eg meg til å legge ut nokre bilete (vi har fått lov med dei) - og seie tusen takk for ein strålande dag !

Sølvgaffel og høygaffel side om side var eit uttrykk som vart brukt om korleis dei har miksa og sett saman interiøret.

Dei er opptekne av kontrastar ,- slik som vi ! Dei blandar kvalitetar, silke, brokade, ull og lin i skjønn blanding. Heilt sant!

Trappa til mørkeloftet tente som hylle til baderommet,- som var bittelite !

Møblane var trekte med ein nydeleg ullkvalitet,- og ulike nyansar på kvart møbel.

Her var også ein liten krok,- sjå kor fint samansett,- ikkje for mykje, ikkje for lite

og her på same måten,- gamalt og nytt og praktisk !

Fleire grupper med gamle bilete,- her frå kjellaren, kvitkalka murveggar, ofte berre ein lysestake i desse gruppene med pynte/bruksting. Åpne øskjer med spennande "skrot" inni....

Kven har slike flotte kjellarglas?

Skål!

Bileta eg tok frå der vi sat og åt vart så mørke. Eg må sjå om eg kan få bearbeida dei før eg prøvar på nytt. Neste innlegg skal handle om Desiree. Følg med, følg med!

Klubbaktivitet nr 2 på onsdag !

2011-10-26T21:45:00.005+02:00

I tillegg til at Liv Ingunn vil vise klemmepung, så vil Torill vise oss korleis ho har laga boksane sine. Vi har ikkje bilete å vise fram no, men de har sikkert sett at Torill har hatt dei med seg. Ho har laga materialliste i to storleikar.

Liten: Framsidestoff 17 cm x 17 cm (botnen) + 12 x51 cm (veggen). For og platevatt i same mål. Lukkekant 55 x den breidda du vil ha. (ønskjer du lukkekant både oppe og nede, så kan du lage det)

Stor: Framsidestoff 22 cm x 22 cm (botnen) + 31 x66 cm (veggen). For og platevatt i same mål. Lukkekant 70cm x den breidda du vil ha. (ønskjer du lukkekant både oppe og nede, så kan du lage det)

Elles treng du symaskin og tråd.

Evt. pynt etter humør !

Ypperleg til oppbevaring på badet, eller sy i julestoff til å ha nøtter i, lag endå større til brødkorg.

Det blir spennande å sjå kva vi kan trylle fram på onsdag!

2011-10-24T21:57:00.001+02:00

Tur på Søndag!

Oppmøte på Firda Billag kl 10:

Annlaug Rygg tek med seg: Grethe Ravnestad, Anne Johnsen, Kari Standnes

Grete Mørk tek med seg: Solbjørg Ulvestad, Jorunn Seljelid, Else Gimmestad

Inger Gimmestad tek med seg: Svanhild Ryssdalsnes, Anna Henden, Ann Elisabeth Sandvold, Henny Sægrov

Solveig Lunde tek med seg: Annfrid Denk, Kari Eide, Torill Torgnes

Marit Bolstad køyrer frå Byrkjelo (bensinstasjonen før sentrum) og tek med seg Reidun Midtkandal, Marie Myklebust og Svanhild hoppar over frå Inger til Marit.

Spørsmål ? Kontakt Inger på 97 19 99 06. Fleire som vil vere med?

Klubbaktivitet 2.november

2011-10-22T14:07:00.001+02:00

Hei damer!

Det er tid for å tenkje på klubbaktivitet neste møte. Liv Ingunn vil vise oss klemmepung. Mange har laga slike, men kanskje ikkje alle, eller kanskje er det lenge sidan så kan vere kjekt å repetere? Iallefall er dei glimrande til små oppmerksomheter, eller til attåtjulegåver.

Her er materiallista:
1 klemmelås 9 cm(Janne ordner det med Ingunn)
Kant/linning til klemmer 2x: 7 1/2 x 2 1/4 inch(19x5,5 cm)
Vlisofix,2x:7x2 inch(17x2 cm)
Hovudstoff: Ta gjerne med deg restar både til for og
hovudstoff. (Ca:13x38 cm) På kantlinniga er det veldig fint å bruka eit anna
stoff, enn hovudstoffet.
Vatt: Rester av platevatt:13x38 cm
Tråd etter farge på stoffet.
Vil du pynte klemmepungen, kan du det, men har du spreke
stoff, er ikkje det nødvendig.

På denne pungen er det nytta eit gamalt blusestoff.

Det svarte stoffet er også frå ein bluse, synest pungen ser skikkeleg antikk ut !

Og her er litt frå ei gamal pute. Fint å ta vare på gamle minner på denne måten!

Her nokre spreke variantar,- noko for einkvar smak!

Vidare vil Torill vise oss "boksane" sine, som kan brukast til det meste, og også er fine gåver. Materialliste kjem etterkvart, så føl med på bloggen!

Klubbkveld i oktober

2011-10-05T23:16:00.000+02:00

Oktobermøtet hadde besøk av Bygdekvinnelaget. Tema for kvelden var gjenbruk. Medlemmane hadde med seg utruleg mykje fint til vis og fortel, noko nytt og noko gammalt.

Tema for møtet: Gjenbruk eller attvinning...

Gamle gardiner, dukar, sengkle er brukte i desse "string-kviltane"

Dongeri i mange variantar...

Kaffiposar....

Frå Marie sitt kurs i haust:

Vesker, jul og diverse:

Neste klubbmøte mm

2011-09-30T20:38:00.002+02:00

No nærmar det seg neste klubbmøte. Då får vi besøk av Gloppen Bygdekvinnelag, det ser vi fram til! Tema for kvelden er gjenbruk og bruk av restar. Vi oppfordrar alle til å ha med arbeid tilknytta temaet,- det gjer ingenting om vi har sett det før. Edny: Du har møteplikt ! Elles vert det ingen spesiell klubbaktivitet, men god gamaldags prat over kaffikoppen, og eit lite lotteri.

Så nærmar det seg datoen for påmelding til turen vår til Desiree og Åmot Gard. Påmelding skjer ved å betale kr 400 til 3710.15.69056 innan 6.oktober.

Vi reiser frå Sandane kl 10.00 i privatbilar. Dei som kan køyre melder frå til Inger. Vi skal vere hjå Desiree ca kl 12.00 der vi får ein oppkvikkar med kaffi og kake, og vidare høyrer vi foredrag med Desiree: "Lyst og ulyst i kvardagen". Så kan vi gå amok i butikken hennar,- putte oppi kvar si korg (eller to), gå derifrå og Desiree kjem etter oss til operagarden med faktura og varer. På Operagarden får vi omvisning og mat, og reiser mette og fornøgde heimatt i femtida. Vi gledar oss!

Diverse

2011-09-30T20:03:00.003+02:00

Drosje Ingeborg bollar !

Endeleg kjem oppskrifta !

150 g margarin

1/2 l melk

1 pr gjær

1 1/2 dl sukker

1/4 ts salt

15-16 dl kveitemjøl

1 pk TINE vaniljekrem

muffinsformer

Lag vanleg gjærdeig. Hevast. Del opp i 36 bollar. Knekk dei flate og putt nedpå ein god klatt

vaniljekrem. Snurp dei hop og legg dei med skøyten ned i formene. Hevast. Stikjast på 225 grader i 8-10 min.

Svanhild sine valnøttrundstykke!

100 g Vita margarin

6 dl vatn

50 gr gjær

1 ts salt

100 gr valnøtter

300 gr sammalt spelt

100 gr havrekli

600 gr kveitemjøl

225 grader i 15-20 min

Tusen takk for at de deler oppskriftene med oss!

Litt frå kurset med Marie

2011-09-25T09:04:00.005+02:00

Her er Else si halvferdige remse. Fargane er mykje finare enn det som kjem fram på biletet

Jorunn sin kombinasjon ser lovande ut!

Annfrid sine kombinasjonar er kjempespennande

Margrethe prøver ut crazy teknikk. Ho skal ha raud bakgrunn på dette

Liv Ingunn prøver seg på same teknikk. Litt dillette seier dei, men vert jo veldig stilig då

Nyfrid brukar julestoff.

Reidun sin vert også nydeleg

Lady Anna har laga kjøkkensett

Her er Marie i hauststemning

Dette er Solveig sin kombinasjon

Her er Svanhild sin ferdige løpar. Nydelege stoff frå Primula

Klubbkvelden i September

2011-09-11T16:51:00.007+02:00

Svært godt oppmøte og kjekk klubbkveld på onsdag!

Her diskuterer Solveig og Marie stoff til festremsa som vi skal ha kurs på.

Kurset startar onsdag den 14.00 kl 18.30. Påmelding ved å betale kr 500,- før kurset startar.

Det er stor interesse for kurset!

Her ser vi detaljar på festremsa. Vi får også prøve oss på fleire ting dersom tida strekk til.

Svanhild og Janne skal sy av desse lekre stoffa frå Primula. Dei delte brodeleg slik at det vart nok til begge.

Klubbaktiviteten denne kvelden var papirsaum. Her frå litt av modellen til Margrethe. Mange har vore borti papirsaum før, men lagt det litt vekk. Håpar dette kan inspirere til å ta fram igjen teknikken.

Marie har kjøpt mønster til denne hos Northern Quilts. Som alltid, nydeleg arbeid av Marie.

Og her har ho sydd jordbærduk.

Detaljar frå duken

Eit nesten ferdig vognteppe frå Janne. Dette skal ho handkvilte.

Her har Nyfrid også kosa seg med "Oldemors fotoalbum". Dette mønsteret er berre så fint!

Liv Ingunn har snopa mønster på Lillehammer og sydd veske frå Kari Renolen.

Her har Liv laga modellar for 4H gjengen.

Enkle og stilige modellar som ungdommane kjem til å like godt!

Reidun har fått ei bra veskesamling etterkvart!

Her er ein Bente Malm modell som var grei å sy. Fin vart den også!

Kari har nesten ikkje sydd i sommar. Berre litt handsaum ! Her er både sekskantar, diamantar og ei anna form, (heiter det rombe eller noko slikt?), sydd på strek. Fantastisk fint!

Nei, Kari har nesten ikkje sydd i det heile teke. Berre eit stort teppe, sånn i full fart. Eigen design sjølvsagt. Dei lekre blomane !

Legg merke til borda på kanten. Klubbaktivitet etter jul???

Kari har vore i USA i sommar og handla stoff. Billeg stoff. Ein heil koffert !

Laila har endeleg fått kvilta sin "Butterfly Garden". Skulle hatt masse nærbilete her, dette er eit praktverk.

Og Edny dama tek kaka ! Ho har laga dei utrulegaste teppa av restar! Dette er eit utan vatt inni, slik som passar når ein har "hetebyer" og slikt.

Her eit fantastisk teppe for dei små, her kan dei sjå svært mykje spennande.

Og dette skal Edny forære til gapahuken til Bukta 4H ! Sydd av gamle gardiner og dukar til tantar, skjorter mm. Ho har herved ordre om å ha teppa med seg neste gong også, når bygdekvinnelaget kjem og skal sjå kva vi lagar av restar.

Her er detljar frå teppet

Her har Edny brukt stoff som ho eigentleg ikkje likar så godt. Men i lag vart det det fyrverkeriet av ein duk!

Så roar vi det heile ned med "Dresden Plate" av Anne.

Og Solveig,- veit dokke ka: Alt ho startar på gjer ho ferdig før ho byrjar på noko nytt. Og dette teppet skal ho gje vekk!

Detaljar.

Her er ei brikke frå Marie som vi kan lære å lage på kurset også.

Annlaug har laga denne friske og fikse veska

Og denne,- etter mønster frå Dorothy. Denne seier ho kan også vere ein klubbaktivitet. Ja takk!

Inger har laga "spools" etter inspirasjon frå Elin

Og nokre epleskrottar i typiske Inger fargar.

I neste blogginnlegg skal de få oppskrifter på Drosje Ingeborg bollar, Svanhild sine rundstykke og rullekake frå Solveig.

Buggy Barn og Nordisk Quiltetreff

2011-09-08T23:09:00.000+02:00

Heisann! Inspirert av Låvemessa på Eid, her er bilete frå ei Låvemesse frå USA, det er sjølvaste Buggy Barn-damene som har utstilling, etter som eg forstår. Gå til Wendy frå Canada sin flotte blogg, og les og nyt bileta, der er mange kjekke innlegg. Trur det kan vere lurt å tenke BB-kurs neste haust, ja!

Denne hestekvilten hadde passa som hand i hanske i vår familie, i alle fall..... Prøv å klikke i bileta og sjå om dei vert større.

Elles må eg takke styret i GLQ for ein kjekk første kveld i haustsesongen! Eg tykkjer de er kjempeflinke, og har mange gode idear framover. Eg var no kjapp og melde meg på alt som var av kurs og turar... håpar der blir god respons på dei gode initiativa.

Nokre av oss hadde fått quilteforbundet sitt medlemsblad i går, der hovudtema var Nordisk Quiltetreff i Ålborg i Danmark 18. - 20. mai neste år. Er du medlem av quilteforbundet? Ja, då har du sjansen til å melde deg på dette treffet. Det kunne vore artig å vite kven som kunne tenke seg det, så kunne ein sikte seg inn på same hotell, om ikkje anna!
Ha ei fin helg!
Helsing Elin.

Litt frå låvemessa på Eid

2011-09-08T17:57:00.003+02:00

Her er det knipsa eit bitte lite utval frå låvemessa på Eid. Her var svært mykje fint !

Guri kor dei har jobba!

Vi kan jo ikkje verte så einspora at vi ikkje legg merke til anna flott handverk, eg synest glaskunst er fantastisk fint !

Desse mjølposane var fine og ein god ide !

Dette trur eg er ein slags fletteteknikk,- dette må vi lære oss !? Det er mykje finare enn det ser ut til på biletet.

Og sjå på desse nåleputene ! Eit heilt kunstverk!

Enkel og fin kombinasjon, stempel, grovt stoff og motivstoff.

Same her,- i ein søtare variant

Utsnitt av ein løpar, eg synest slike "frihandsblomar" gjer seg så godt!

Her var noko heilt nytt for meg,- blomsterpynt av glidelås !

Vel blåst, eidarar!

Nytt frå styremøte hos Solveig

2011-08-31T20:58:00.003+02:00

Her om kvelden hadde vi styremøte hos Solveig. Og ho viste oss den knallfine veska ho har laga, gamal dongeri, kombinert med litt nytt.

Så hadde ho laga "posar" til slike boksar som ein kan kjøpe med tennbrikettar oppi. Julegåvetips til dei som har alt ! Til og med mannfolk kan få slikt, men kanskje utan blondar....

Solveig hadde laga fleire slike, etter mønster frå siste nummer av Quiltemagasinet, og desse var mykje finare enn dei som var avbilda der.

Solveig tek dei med på neste møte,- så dette må de kome og sjå! Vi reknar med at de andre har laga mykje spennande også. Så no er vi spente på neste klubbmøte! 7.september vert det også papirsaum med Margrethe etter ønskjer frå fleire medlemar. Kanskje er det nokre som ikkje har prøvt dette, og kanskje er det nokre som treng eit puff for å kome i gang igjen? Ta med: symaskin, stoffrestar, linjal og blyant/penn. De kan få kjøpe vliselin med Margrethe, og ho har kopiert opp nokre mønster.

På klubbkvelden i oktober får vi besøk frå Gloppen Bygdekvinnelag. Då vert vi fire kaffivertinner, og elles køyrer same opplegg som ein vanleg klubbkveld, men oppmodar medlemane om å ta med seg arbeid ein har laga av restar. Vi utvekslar erfaringar med bruk av restar /gjenbruk eller redesign som det heiter på fint. Dette blir eit kjekt møte!

Så blir det endeleg kurs med Marie,- det gledar vi oss til! Tre onsdagar, første gong 14 september, frå kl 18.30. Marie fortel meir på klubbkvelden. Påmelding ved å betale kr 500,- til bankkontoen vår, eller direkte til Else.

I oktober vert det kurs med Annlaug,- då skal vi lage syskrin. Annlaug fortel meir på klubbkvelden.

Så minner vi om tur til Desiree og Åmot Operagard 30.oktober. Vi reiser frå Sandane kl 10.00, startar hjå Desiree med litt kaffi og knøys og ho held foredraget: "Lyst og ulyst i kvardagen". Så handlar vi det vi måtte ønskje, og reiser til Operagarden der vi har bestilt omvisning, velkomstdrykk (alkoholfri), koldtbord og kaffi. Vi må ha bindande påmelding, det skjer ved å betale kr 400,- for heile smetta til klubben innan 7 oktober. Styret håpar på god påmelding og ein strålande dag!

Så skal de få oppskrift på den utruleg gode og enkle kaka til Solveig,- men vi kan ikkje gje ut alle godsakene på ein gong, så den kjem ein annan kveld.

Vi snakkast damer!

Helsing oss i styret

Startarar og sluttarar og syterapi!

2011-08-02T10:59:00.001+02:00

Denne sommaren går vel over i historia som ein av dei verste i vår historie, sett i lys av kva som har skjedd her i landet med terror. Då kan det kanskje vere litt terapi å sy i veg, utan å tenkje for mykje...Sjølv har eg Siste natt i Twisted River på spelaren (det er ei laaang bok), og durar i veg på 36-blokkene til CrazyMom.
Gå til Lappetausa og les om dette, om du er interessert!

Leaders and enders, kan det bli startarar og sluttarar, eller skal vi finne eit betre norsk uttrykkk? Uansett så er det Bonnie Hunter sin ide. I staden for å bruke ein dobbel stoffbit i starten (som mange gjer for at maskina ikkje skal ete tråden), som deretter går i bosset, kan ein planlegge litt, kutte stoffrestar i høvelege bitar til blokker (t.d. 2"bitar), ha dei klare ved maskina og mate inn mellom anna sying. Då opplever ein det fantastiske at ein ikkje får tråd-endar, men bonusblokker på kjøpet! Når du er ferdig med noko du skal sy, matar du inn ein "sluttar", halvsyr han, så blir han "startar" neste gong. Eg har hatt Bonnie si bok i fleire år, men har ikkje kutta opp stoffbitar. Då eg begynte på dette siste prosjektet, fann eg ut at restane her kunne brukast til mindre blokker. Det ligg fleire bilete på bloggen min av dette. For ei tilfredsstilling, nesten ingenting i bossbytta, og ingen trådendar som viklar seg inn i stolhjula, og så økonomisk...!
Vil du sjå boka mi? Eg skal ta ho med på klubb-møte.
Helsing Elin.

Quilting in the Rain, litt inspirasjon i sommarregnet!

2011-07-21T13:42:00.000+02:00

Korleis går det med hobbyen i sommar? Det manglar i alle høve ikkje på godt sy-ver! Sjølv er eg inne og surfar på nettet (surfing høyrer vel sommaren til...), og ein av dei bloggane eg ofte ser innom, er Madame Samm. Ho inviterer andre bloggarar til å vise lure ting på hennar blogg. Eg har heldigvis ikkje fått nokon forespørsel i så måte (!), men eg gledar meg over andre sine innlegg.

I dag er det ein bloggar frå Seattle som har innlegg, og eg likte godt tittelen på bloggen: Quilting in the Rain.

Her er utruleg mange fine "tutorials" - måtar å gjere ting på.

Gå inn på denne filmen på YouTube, kvifor ikkje bruke veggen i staden for golvet når ein skal montere ein kvilt? Mykje betre for ryggen! Eg tykkjer dette er genialt. Ver tolmodig om filmen stoppar av og til, prøv igjen.

Ha ein fin ferie framleis!

Helsing Elin.

Helsing frå Sol

2011-07-07T21:07:00.004+02:00

Sol har laga lita veske etter mønster som ho kjøpte hos Dorothy. Den vart kjempesøt! Eg klarte desverre ikkje å snu biletet rette vegen,- typisk meg,- alltid noko eg ikkje får til. Sol helsar og ønskjer oss god sommar. Tusen takk til Sol !

Er det andre som har laga noko i sommar? Send bilete til inger.gule@enivest.net eller til else.gimmestad@enivest.net !

Besøk av Gloppen Bygdekvinnelag

2011-06-28T19:00:00.002+02:00

Fekk tlf. for nokre veker sidan frå Åse Ryssdal Sæther på vegne av Gloppen Bygdekvinnelag. Ho lurte på om vi kunne finne på noko ilag,- evt.at nokon frå klubben vår kunne kome på eit av møta deira og fortelje og vise litt. Dei ønskjer å ha gjenbruk som tema. Samtala enda ut med at eg inviterte dei til å vere med oss på klubbkvelden i oktober, då vi har sett opp restar som klubbaktivitet. Vi får ta igjen detaljane seinare, men trur dette kan bli eit kjekt møte!

Låvemesse på Nordfjordeid !

2011-06-28T18:08:00.006+02:00

Hei alle!

Fint syveir for tida? Eidadamene har invitert til låvemesse,- eg har limt inn programmet.

LÅVEMESSE Lørdag 3. og Søndag 4. September 2011Kl. 12-18, begge dager,arrangerer Nordfjord Lappe- og QuilteklubbLåvemesse i Leivdalen. (Monsgarden)Stort og bredt utvalg av heimeproduserte produkt.Program: Lørdag: Kl. 15-18 Åpen Fjøs i samdriftsfjøs.Lørdag: Kl. 15- Sang ved Eid Barnekor.Søndag: Kl. 15 -Sang ved D-kor.Kafe med heimelaga kaffemat.Velkommen til en trivelig handel !
Helsing Nordfjord Lappe- og Quilteklubb.

Klubbmøte 25.mai og utstilling 4H !

2011-06-05T21:11:00.006+02:00

Først nokre få bilete frå utstillinga som 4H medlemane hadde laga på Byrkjelo 28.mai, isamarbeid med Janne, Liv Ingunn og Margrethe. Reknar med at alle las den flotte artikkelen i Firda Tidend. Fantastisk reklame for aktiviteten og klubben vår!

Så kjem nokre bilete frå siste klubbkvelden i vår. Det var godt oppmøte,- mange hadde med seg mykje fint vi andre kunne studere, og styret hadde laga mykje godt kaffiknøys. Her var høve til å handle stoff frå inn og utland, blondar og dill dall.

Dorothy Schultz hadde med seg mykje spennande. Ho likar godt lyse, lekre fargar !

Her har Torill laga mykje fint!

Frisk veske frå Dorothy !

Her har Dorothy brukt femkantar i kombinasjon med diamantarforma. Denne var kjempelekker,- berre to ulike stoff trur eg, men vart ein spennande effekt.

Sekskantar syr dei altså mykje i Tyskland også! Dorothy hadde laga alle desse no i norgesopphaldet,- veret var ikkje heilt slik som berekna. Dette skal bli eit teppe.

Og her eit neste ferdig teppe,- det blir berre lekkert! Minner meg om sukkertøy!

Og her,- pastellar, og mange teknikkar i same teppe. Artigt ho brukar den same teknikken som Kari S viste oss den kvelden vi hadde papirsaum ! (nederst)

Her har ho laga vesker med motivstoff i knallfargar. Ho hadde med seg materialpakkar for sal også,- det blir spennande å sjå dersom fleire lagar slike!

Her veit eg ikkje kva vi skal kalle denne "boksen". Trur Jorunn kjøpte ein slik materialpakke,- skikkeleg tøft iallefall!

Her også ei stilig toalettveske.

Vi seier tusen takk til Dorothy for eit spennande besøk. Og veit dokke ka? Ho hadde laga nokre spennande små gåver som ho ville gje oss,- ho hadde tenkt ei på kvar,- men så var vi så mange som møtte opp, at der var ikke nok! Desse loddar vi difor ut til hausten! Tusen takk Dorothy,- og lukke til vidare i lappelivet!

God sommar damer,- og send gjerne Inger eller Else eller Elin bilete dersom de tek nokre flotte bilete som de ønskjer skal leggast ut. Vi skal legge ut meir informasjon når turen til hausten er i boks. Kjekt viss det skjer noko på bloggen av og til,- så ikkje ver redde for å sende oss bilete!

Klubbkveld 25.mai

2011-05-15T13:15:00.002+02:00

Hei alle!

Det nærmar seg neste klubbkveld. Som vi har informert om tidlegare, får vi denne kvelden besøk frå Tyskland, Dorothea Schultz, ei ivrig lappedame. Vi oppmodar alle medlemar om å ta med seg arbeid de held på med eller som er ferdige,- og vi lagar ei lita utstilling ! Ta med arbeid du har vist før,- det er berre kjekt! Dorothea tek med seg arbeid og kanskje nokre varer for sal, og fortel om desse.

Torill har med blonder og div. frå "Ronny Rør" som vi seier på Sørstranda, her får vi rabattar. Jann kjem med kassa frå "Primula", og vi får eit utval stoff frå "Trapp Ned".

Styret lagar til kaffimat, og vi håpar at vi får ein triveleg inspirasjonskveld i lag!

Vel møtt !

Klubbkveld 8.april 2011

2011-04-07T15:43:00.012+02:00

På onsdag var vi samla til nytt treff,- ikkje så mange denne gongen, men utruleg mykje fint vart vist fram. Mange hadde gjort ferdig klubbaktiviteten forrige gong,- "Birmingham veske".

Her er Kari si.

Her er Jorunn si!

Her viser Svanhild fram ein løpar som Marie har laga til "Trapp ned" i Førde Svanhild har laga babyteppe. Ho har funne figurane i eit gamalt quilteblad, og så har ho utfolda seg med artige detaljar! Og jammen har ho ikkje laga gardinkappe attåt også!

Solveig har laga veska i dongeri, denne har dottera sagt at ho vil ha!

Og Reidun har laga den i rolege fargar

Annfrid har laga bilete etter at ho var på kurs med Bettina. Det er mykje finare enn det ser ut til her!

Og her har ho laga bilete av den store eika i Jølet. Med krympestoff, maskin og handbroderi. Sjå på den flotte skuggelegginga!

Janne har laga "Mug rugs". Klubbaktivitet til hausten???? Fin presang-ide i allefall!

Og Janne har laga meir ho,- toalettveske og sminkepung i same stil

Gjenbruk,- kven skulle tru det ? Dei smale strimlande som vart tilovers vart sminkepung!

Og endå ei Birmingham veske!

Og Elin kan gjerne smile! Sjå kor fine bileta vart! Elin var altså med på kurset til Bettina.

Legg merke til monteringa, desse passar fint ilag. "Bua på Rygg " frå 2003 er no gjort ferdig!

Kari viser oss korleis ho syr restar på avispapir. Dette må vi også gjere i haust,- ikkje sant???

Svenskeveska!

Eit flott teppe må ha signatur og årstal -

Dette har ho handquilta ! Korleis får du tid Kari????

Her har Anna lært å teikne på forsvinningsplast, og sy opp på den,- og så vart det den lekre veska.

Ho var veldig fornøgd med kurset til Bettina!

Her har Anna laga eit nytt stoff av garnrestar og brudekjole (!). Dette skal bli ei veske som vi gledar oss til å sjå!

- og den lekre veska då!

og så har ho laga 6 spisebrikker til våren!

og så har dama det så travelt at ho kom forsyne meg for seint til konkurransen vår! Der skulle denne løparen ha vore med !

Jorunn har laga nydeleg putetrekk til vesle Nicolay

Her kjem bidraga til konkurransen: "kven lagar den finaste vårløparen?"

Annfrid

Janne

Kari. Vi hadde også ein ekstra konkurranse,- kven klarer å tippe kven som har laga kva for løpar??? Denne klarte 11 av 13 som leverte inn svar å tippe rett!

Liv Ingunn,- her er også ein teknikk vi må lære oss,- ikkje sant?

Kari

Inger

Liv Ingunn

Jorunn

Annfrid sin vinnarløpar. Gratulerer!

Her studerer folket på kven som er finast og kven som har laga kva.

Elin

Liv Ingunn fekk 2.plass med denne

Tusen takk til alle som leverte inn produkt!!!

Vellukka kurs med Bettina Andersen

2011-03-30T17:11:00.005+02:00

Forrige helg var 12 damer samla til kurs. Her var temaet maskinbroderi,- fortrinnsvis frå bilete. Her er eit eksempel på det Bettina hadde med seg og viste fram:

Dette er eit bilete ei av kursdeltakarane frå Eid (Torunn) lagde sist ho var på kurs med Bettina.

Som vi ser har ho nytta små stoffbitar og garn i ulike kvalitetar. Dette har ho lagt oppå forsvinningsplast. Så legg ho slik plast opppå alt i saman og syr med stoppefoten. Det var berre såååååå lekkert!

Dette biletet laga Ingunn (primula-ingunn frå Eid) nesten ferdig. Dei andre sine arbeid reknar eg med vi får sjå på klubbkveldane når dei blir ferdige,- men eida-damene sine veit vi jo ikkje om vi får sjå, så dette måtte vere med no.

Her har Bettina knytta saman to ulike stoff med å legge plast over og under og sydd imellom.

Her har Bettina lagt plast over eit batikkstoff, teikna med tusj, og brodert med maskin. Anna lagde eit slik også, reknar med ho tek det med neste gong!

Her er ei veske som er sett isaman av små hekla prøver, eg trur her var litt strikk også. Så har ho sydd og pynta med maskina. Den er knalltøff!

Her fortel Bettina om ulike teknikkar. Veldig kjekt kurs!

Påmelding regionstreff i FLORØ

2011-03-16T17:43:00.002+01:00

Påmelding kan gjerast til sonja@fanevik.no

Spørsmål kan stillast til Kari på 93 22 75 97. Deltakaravgift på kr 175,- skal betalast til 3775.10.67683 innan 01.04.

Klubbkveld mars 2011

2011-03-06T11:27:00.014+01:00

Styret vil minne om kurset siste helga i mars med Bettina Andersen frå Danmark. Vi er 11 påmelde, men har plass til fleire. Annlaug er ny kursansvarleg og tek i mot påmeldingar.

Så minner vi om regionstreffet i Florø 10.april. Viss Elin kan legge ut ein link til treffet hadde det vore kjempefint! Kvar medlem melder seg på sjølv. Det var berre 8 stk som skreiv seg på at dei ville reise, det vert to bilar. Påmeldingsfristen er 15 mars.

Vi gjer ei endring når det gjeld mai-møtet. Vi utset dette til siste onsdagen i månaden, og får då besøk av Doroty Schultz (usikker på skrivemåten!) frå Bayern i Tyskland. Ho budde i Noreg i fleire år, snakkar godt norsk, og er ei ivrig lappedame. Ho vil ha med seg arbeid og vise fram, og håpar å få sjå mykje som vi har laga. Det gledar vi oss til!

Så minner vi om konkurransen på neste klubbkveld! Kven lagar den finaste vårløparen? Alle medlemar kan lage inntil 3 løparar og levere inn tildekka "på kjøkenet" når dei kjem på klubbkvelden i april. Så lagar Else og Inger til ei utstilling i foajeen, der vi nummererer løparane og så kan alle kome og sjå og stemme på den de synest er finast. Premiar er stoff frå Primula.

Heile 28 damer møtte opp på klubbkvelden i mars. Her ser vi Marie, Svanhild og Henny som har handsaum med seg.

Margrethe gjer ferdig ei Bente Malm veske

Her er Kari i gang med kveldens klubbaktivitet: Liv Ingunn viser oss korleis vi kan sy ei "Birmingham veske", som ho lærte seg på Vestlandstreffet i fjor haust.

Grete viser oss eit nydeleg veggteppe med "barnslege" stitchery på. Teppet er endå finare på nært hald. Trur vi har sett teppet før i ein rosa variant.

Trur det er Kari S som skal lage seg lilla veske. Det blir kjekt å sjå ferdige produkt!

Marie nyttar seg av høvet til å bruke lyskassa til å teikne av mønster.

Fungerer veldig bra, seier ho!

Anna er ferdig med si Bente Malm veske. Dei er berre kjempefine!

Trur det var Marie som har laga AnnaKa løpar i antikke stoff.

Det er iallefall Marie som har laga denne!

Den fine fargesamansetjinga kjem ikkje heilt fram på biletet.

Så har Svanhild laga rosa bilete til barnebarnet sitt! Lekkert!

Denne gongen diska Sonja og Torill opp med grove rundstykker og godt pålegg. Fleire etterlyste oppskrifter. Dersom de vil sende dei på epost så legg vi dei ut på bloggen!

Margrethe er så inspirert og gira av 4H prosjektet at ho lagar stadig nye modellar som ho kan vise dei unge damene. 9 jenter frå 12 til 16 år har dette prosjektet og er svært ivrige.

Produktive Liv har

laga ei veske som ho synest var mykje dill med å få til. Men ho vart jo veldig fin då!

Så har Annlaug laga ei AnnaKa veske. Aldeles lekker og med 8 strikklommar inni. Det var ein del arbeid med veska. Legg merke til linsene som er trekte med stoff og sydd på.

Så er Henny ferdig med "Oldemors fotoalbum". Ho har ikkje laga alle blokkene, det passa ikkje heilt til plassen det skulle henge. Oversiktsbildet av teppet kjem lenger nede. Dette vart utruleg fint!

Annlaug reklamerer for ein god lim som ein kan kjøpe på Modehjørnet. Den var til god hjelp når ho skulle feste banda på denne veska.

Grete viser fram endå eit nydeleg teppe.

Kari S får til og med humor med i teppa sine.

Her er endå eit bilete av Henny sitt "redwork"

Her har Marie sydd ein løpar som ho kan ha kurs på i haust viss vi ønskjer det. Det kan passe til eit sekstimars kurs. Gje oss gjerne tilbakemelding på om det er noko du har lyst til!

Her er Anna si toalettveske

Og ei veske til!. Anna har nytta tida til å lage mange presangar.

Her er endå fleire av Margrethe sine produkt.

Her er Marie sitt bilete. Nokon som kjenner seg igjen?

Solveig i djup konsentrasjon med si veske. Ho skal lage den i dongeri som ho har skvetta klorin på og fått ei fin effekt.

God vinterferie!

2011-02-19T00:46:00.004+01:00

Bloggverda er overfull av inspirasjon, og det gjeld å sortere! Madame Samm

er vel verd eit besøk. Ho inviterer gjeste-bloggarar som har gode idear for både det eine og det andre som har med stoff, arkivering og slike ting å gjere. Eg fall for dette siste innlegget, og lurer på om nokon i klubben vår har slikt arkiv? Det kunne vore kjempespennande å sjå, i så fall!

For dei av oss som ikkje er så systematiske, fungerer blogg veldig bra som "arkiv". Ein kan enda til få printa bøker av bloggen sin til ein overkomeleg pris.

Gratulerer Liv Ingunn med blogg! Her veit vi at vi kan finne masse inspirasjon, bravo!
Sjekk denne linken, nyt mønster, fargar og musikk, og la deg inspirere til blokk-sying...

Dersom du treng meir inspirasjon, klikk på denne linken. Her skulle det vanke hjelp til konkurransen vår, her er hundrevis av blokker. Synd med musikken som er på hovudsida her, men då er det berre å avstille lyden.

Kanskje denne linken er betre?

Til slutt, som ekstra eye candy eller snoperunde eller kva ein vel å kalle det, sjekk Sew Unique Creations! Denne butikken har spesialisert seg på reproduksjonar frå 1800-talet. Her er ofte godbitar til veldig rimeleg penge. Og apropos handsaum, her er spool-stempel og andre artige ting. Tara Lynn sin inspirerande blogg finn du her.

Ønskjer alle ei fin helg, og god vinterferie til dei som har det!
Elin

Klubbaktivitet i mars

2011-02-08T17:45:00.002+01:00

Neste klubbkveld skal Liv Ingunn lære oss å sy "Birmingham veska". Lenger nede i bloggen ligg bilder av tre varianter ho har laga av veska.

Vi treng:

ca 30 x 75 cm stoff til hovudfarge

ca 30 cm i full bredde til for

ca 30 cm i full bredde til kontrastfarge og hankar

42 x 75 cm til snørepose

2 m snor

32 x 75 cm vatt (bordvatt)

Vliseline til hankar (kan kjøpast hjå Liv 20 kr)

ca 1,5 m pynteband om du ønskjer det

Symaskin og tråd

Utflytta gloppetaus med eige firma - og Tepper til glede

2011-02-07T14:02:00.000+01:00

Det var tips frå Marianne i klubben som gjorde meg merksam på Muviduki, bloggen til Elin Isane. Besøk bloggen hennar og sjå alt det fine ho lagar for sal. Ho har butikk på Epla, ein handlestad som har vore omtala her på bloggen tidlegare.

Visste du at kven som helst kan opprette butikk på Epla? Det er kjempeenkelt.

Tilfeldig fekk eg også vite at Bergen Quiltelag har teppeaksjon til Haukeland. Her er ein eigen blogg for Tepper til glede!

Ha ein fin dag!
Elin.

Årsmøtet 2011

2011-02-03T19:21:00.000+01:00

Onsdag 2. februar hadde vi årsmøte i klubben, og her er bilete av Jorunn og Elin (underteikna) som gjekk ut av styret, og Anna, som gjekk ut av valnemnda. Bilete av nytt styre kjem ved eit seinare høve, når dei har fått konstituert seg.

Inger, vår noverande leiar, i lag med Janne, som forsyner oss med stoff frå Primula. Takk til Janne for denne ekstra servicen!

Vis og fortel:

Kari S. viser fleire ufoar som ho har gjort ferdig sidan januarmøtet. Blokkene til dette fine teppet blei visst til under ei båtreise langs norskekysten for mange år sidan. Papirsydde plater, applikerte på ein bakgrunn.

Ufo-pute i papirsaum.

Endå ei ufo-pute i papirsaum, dette kom fram i lyset i samband med papirsaumtemaet vi hadde på januar-møtet. Ifølgje Kari er der fleire ufoar i skuffa, så dette kan bli spanande...

Marie har sydd Bente Tufte sitt vognteppe, ein gut er visst under vegs!

AnnaKa sitt vognteppe under arbeid, dette er Anne sitt.

Så var det Lappetausa sitt bidrag til Vis og fortel, denne vesle kvilten blei til etter sy-saman-opplegg med ei amerikansk dame på denne bloggen http://cherylssew-alongpatterns.blogspot.com/
Cheryl har google oversetjar, så det går kanskje an å få studere det på tilnerma norsk... Vonar nokon kan bli inspirerte til å sy små blokker, det er veldig spanande!

Janne har sydd små penal eller toalettvesker.

Kari E. har vore med på Bonnie Hunter sitt mysterium, som starta opp sist i november, og ble avslørt rundt nyttår. Det var underteikna som tipsa ho om dette. Kari syr til vanleg berre eigendesigna ting, så dette var ei ny erfaring. Ho lærte mykje av det, seier ho, her er mange artige tips å fange opp. Lappetausa sitt mysterium har lang veg å gå før det kjem like langt som dette! Opprinneleg er teppet dobbelt så stort. Everything is bigger in America! Bloggen har link til Bonnie si heimeside, der det er utruleg mykje artig, sjå alle scrappy-quiltane det er mønster på i høgre marg her.

Dette er eit relativt sjeldant syn på våre kantar! Imponerande, Kari!

Liv-Ingunn har laga nokre artige vesker, som ho vil halde kurs i på neste møte. Vi gledar oss!

Anna har laga fin veske.

Liv Ingunn si veske nr. 3?

Torill B. lagar band til den søte, vesle veska si, metoden heiter trissing, og er visst ein gammal kunst. Snora blir veldig fast og god.

Og her er veska klar. Flott!

Beklager at mat-bordet ikkje blei fotografert, det var som vanleg herleg frambøre!

No blir det nybyrjarkurs i lappeteknikk!

2011-01-12T19:17:00.002+01:00

9/2 - 16/2 - 23/2- 9/3 - 16/3 vert det nybyrjarkurs på Gloppen Ungdomsskule ved Margrethe.

Kursavgift vert kr 800,-. Dette er eit godt tilbod!

Vi må ha minimum 6 kursdeltakarar for at kurset vert starta.

Januarmøtet, tema handsaum

2011-01-06T23:28:00.000+01:00

Det første temaet i det nye året var handsaum. Medlemmane var oppfordra til å ta med seg gamle og nye ting sydde for hand. Dette var eit tema som engasjerte! Så mykje artig og fint vi fekk sjå! Dei fleste syr over vanleg papir eller frysepapir, papp er ikkje brukt hos oss, trur eg. Så er vi nokre som "syr på strek". Begge deler blei demonstrert på klubbkvelden. Det første biletet viser sekskantblomane til Torill, mykje i homespun kvalitet (vevde stoff). Med 3 rundar kring sentrum kan stoffbunkane få bein å gå på.

Kari E. hadde med seg eit arbeid i japansk bretteteknikk som blei sekskanta. Kanskje du kunne vise dette ein gong, Kari?

Kari S. hadde funne fram eit gammalt prosjekt med skjell. Desse stamma frå eit kurs med Patricia Iden på 90-talet ein gong. No er jo desse skjella moderne igjen, har sett fleire amerikanske bloggar der dette er på topp no, men dei har kanskje ei anna plassering. Skal sjå om eg kan finne ein link.

Leiaren vår, Inger, har sydd for hand i mange år, og her ein løpar ho har brukt mykje, svært utradisjonell i fasongen.

Desse sekskantane i restestoff har ho applikert på eit bakgrunnsstoff.

Sekskantar i lyse og mørke striper er ein måte å gjere det på.

Bestemors blomehage, store blomar i eit flott, handkvilta sengeteppe.

Annlaug har sydd kuber for hand, dette er tre diamantar sydd saman i eit visst system slik at det får djupne-effekt.

Laila E. syr stjerner over papir. Dette kunne likne litt på Buggy Barn, men er to-farga. Veldig fint!

Dette biletet må de ta ein nærare studie av! Folk studerer, kjenner på, ei står og strikkar, engasjementet er stort! Plakaten hang tilfeldigvis på dette bordet...

Elin syr trådsneller (spools) på strek. Handkvilting pågår...

Blomsterhage sydd på strek, med restestoff av prosjektet med åttebladroser under. Dette har vore eit sy-saman-prosjekt med den skandinaviske yahoogruppa TSQ, der mottoet har vore "ein blome kvar onsdag". No er det samansying som pågår.

Alle blokkene i dette månadsteppet frå Lappemakeriet er klare til montering. Nokre av blokkene er sydde over papp, men då eg lært på-strek-metoden, fann eg ut at det var mykje meir handledd-vennleg.

Kari E. har fått desse formene frå USA, desse er geniale i og med at ein får både klippestrek og systrek!

Annlaug viser lur stryke-metode.

Til slutt ei lenkje som Anna viste til, der ein kan få kjøpt smarte ting til sekskant-saum http://www.quiltsmart.com/

Januarmøtet, vis og fortel

2011-01-06T19:35:00.000+01:00

Godt nytt år! Her er Vis og Fortel frå januarmøtet. Mange hadde "gitt vekk alt", så det var ikkje så mange produkt som det pleier å vere, naturleg nok. Her er ting som blei viste fram: Anna sitt flotte sengeteppe, alldeles nydelege stoff, og eksklusiv kvilting frå Gla'lappen. Anna hadde på seg eit fantastisk flott sjal som ho hadde fått av eit barnebarn.

Grethe hadde sydd ferdig ein topp med pinwheel-blokker i ein veldig lur teknikk: to stoff rette mot rette, sy rundt dei 4 kantane, skjer opp diagonalane, og vips....

Reidun har hatt mykje arbeid med AnnaKa si sykurs-veske. Fantastisk arbeid!

Else Pernille viste fram to fine og artige ting, først denne lekre adventsløparen, og Friele-veska litt lenger nede.

Svanhild har sydd eit veggoppheng i år og, vi kjenner att AnnaKa sin adventskalender.

Lyse, lekre løparar i "Løparpåeinkveld-teknikk".

Dette var kveldens store overrasking, tenk å sy veske av kaffiposar! Skikkeleg stilig var det!

Herleg kaffimat som vanleg.

"Broderi - Naturligvis" - Kurs med Bettina Andersen

2011-01-03T15:55:00.000+01:00

25. - 27. mars får vi den danske kunstnaren Bettina Andersen til å halde kurs for oss. Tema blir broderi etter inspirasjon frå naturen med fritt hand- og maskinbroderi. Bettina skriv i ein mail: "Vi tek utgangspunkt i dine fotografi frå naturen, og vi gjer det på forskjellige måtar. Nokon vil sy eit naturalistisk bilete, som liknar utgangspunktet, andre vi sy noko som er meir abstrakt, og atter andre vil bruke det vesle biletet som dekorasjon på enkle vesker......Alle kan vere med på dette kurset, sjølv om du aldri har sydd fritt broderi tidlegare. Det er lett å lære, og vi begynner med ein introduksjon til fritt maskinbroderi."

Sjå elles høgre marg på bloggen (Bettina si heimeside).

Det blir kurspåmelding på januarmøtet. Vonar mange vil nytte høvet til å vere med på dette litt annleis kurset som vi arrangerer. Underteikna har vore på kurs med Bettina før, og det var kjempekjekt.

Meir om kursdetaljar, klokkeslett og materialliste kjem vi attende til seinare.

Helsing Elin.

Klubbkveld 5.januar !

2010-12-31T14:12:00.008+01:00

Hei , og godt nyttår til alle!

På klubbkveld den 5.januar, tenkte vi at vi skulle utveksle erfaringar med handsaum på papir. Kjekt viss flest mogeleg kan ha med seg ferdige og uferdige arbeid! Vi veit blant anna at Janne held på med eit fint blått eit som ho syr med frysepapir. Elin syr tråsneller med ein eigen teknikk, det blir spennande å lære seg.
Vi deler ut ark med malar på klubbkvelden, og håpar vi kan inspirere kvarandre!

Her er eit sengeteppe som eg sydde av litt store sekskantar for ca ti år sidan. Brukte ullvatt inni.

Her er ein liten løpar i arbeid. Berre frå restekorga, og sortert i lyse og mørke rader. Trur faktisk denne kan bli fin, viss den blir ferdig nokon gong!

Her er ein løpar som eg lagde for mange år sidan, denne har blitt brukt mykje. Her er restar frå ein del barnekle putta innimellom, slik tek ein vare på koselege minner!

Helsing Ing

Inger

Desembermøtet: Større tepper

2010-12-02T11:48:00.000+01:00

Kari og Aurora (alder?) har samarbeidd om Harry Potter-teppet. Jenta er nok over gjennomsnittet oppteken av denne litterære figuren, og har hatt sine bestemte meiningar under arbeidet. Teppet er med i Desiree sin resteteppe-konkurranse. Det skal bli spennande å sjå korleis det går. Arbeidet er utruleg kreativt og flott utført.

Annfrid har laga eit alldeles nydeleg og delikat sengeteppe! I midten har ho kjende applikasjonar av englane til Annie Downs frå boka An Angle Story.

Her er eit skikkeleg resteteppe i pinwheel-blokker, også laga av Annfrid.

Grethe har fått inspirasjon av hav, strand og sommar i denne nydelege bargelloen til hytta.

Idas veske, etter kurset med Bente Malm

2010-12-02T11:47:00.000+01:00

Mange av jentene var ferdige med veskene sine. Her er Margrethe si veske i nærbilete. Brosja ho har til pynt blei kjøpt på loppemarknad!

Kari sydde "solskinnsveske" på kurset, og i etterkant har ho sydd ei veske til, litt forenkla.

Annlaug med veska på armen, viser fram praktiske gjennomsiktige pungar til smykker m.m.

Elin (underteikna) med si veske. Fotografen ustø på handa, eller?

Else viser fram Idas veske og ei lita Friendship-veske.

Frå utstillinga i "baren". Flotte vesker.

Desember-møtet: Vis og fortel

2010-12-02T00:01:00.000+01:00

Det var ei utruleg mengde flotte arbeid som blei viste denne første desemberkvelden. Mykje av arbeida skriv seg frå aktivitetane vi har hatt denne hausten, både på klubbkveldane og på kurs.

Først her er Inger sin twister eller square dance.

Og under her ein koseleg løpar.

Inger er litt "retro", og har her funne ein gammal brodert løpar som ho har sydd seg veske av. Skikkeleg kult!

Janne gjorde ferdig denne adventsløparen. Hjarta er laga i krympestoff.

Pose etter inspirasjon av Ann sitt kurs i juni, dette er Margrethe si utgåve.

Inger har sydd heile 4 AnnaKa-posar til å putte julegåver i.

Margrethe sitt juleteppe, desse englane har vi vel sett på løparar før?

Kari har strikka mange jule-kuler, inspirasjon frå Carlos-boka, men eiga oppskrift, som vanleg!

Sjå på detaljane på denne vennskapsveska til Annfrid!

Anna med enkle, men veldig fine spisebrikker, motivstoff, lin, enkel kvilting, fint bakstykke (batikk).

Nærbilete av ein av plast-pungane til Annlaug. Dette er kjempepraktisk, tenk å sjå kva som er inni, sleppe å leite!

Jorunn har sydd fleire modellar etter kursaktivitetane i haust, vennskapsveske og syboks.

Liv Ingunn sin adventløpar.

Solveig med løpar, vennskapsveske og syboks.

Laila sitt julehjarte!

Produksjonen er imponerande. Kor heldige vi er som har slik ein flott hobby! Ein treng aldri kjede seg, det motsette er vel tilfelle, ein ville gjerne hatt fleire timar i døgeret. Vi er vel priviligerte! Kanskje vi skal tenkje på det, no når Thanksgiving nettopp har vore feira i USA.

Juleavslutning i GLQ, 1. desember 2010

2010-12-01T23:06:00.000+01:00

I overkant av 20 damer trassa 12 kuldegrader ute, og møtte på juleavslutninga 1. desember. Det var ein svært inspirerande kveld. Sy-aktiviteten var julekort, og Liv Ingunn hadde gode inspirasjonar å tilby. Om ikkje så mange hadde med symaskina denne kvelden, blir det nok sydd julekort i mange hus i vekene som kjem!

Som i fjor, hadde vi julegåver til kvarandre. Kvelden starta med gløgg, seinare var det julebrød, heimelaga snurrebollar og småkaker. Vi har ein filosofi som tilseier måtehald og gjere ting enkelt, og det ser ut til å fungere godt.

Margrethe hadde sydd nokre nydelege kort, desse er frå Vis og fortel.

Fleire innlegg frå klubbkvelden kjem seinare.

Juleaktivitet med born og unge i Gloppen!

2010-11-25T19:00:00.000+01:00

Liv Ingunn, Margrethe og Janne har hatt juleaktivitet med 4 H-klubbane i Breim, Rygg, Bukta, Austrheim og Vereide. Til saman så var der ca. 75 born og unge. Det blei laga julekule av filt med perlebroderi, og decoupage på lys. Dette var aktivitetar som borna likte og meistra godt.

Dei tre damene som var ansvarlege for dette hadde det kjekt i lag med borna/ungdomane.

Takk til dykk for godt initiativ!

Dei første bileta ser ut til å vere frå Bukta.

Dette må vere Runnevang.

Og dette må vere frå Breimshallen.

KURSKAKE

2010-11-24T22:42:00.005+01:00

TRØFFELKAKE

250 g mandlar

300 g melis

4 egg

2 ss kveitemjøl

2 ts bakepulver

Pisk eggeplommer og melis til eggedosis. Bland i malte mandlar, kveitemjøl og bakepulver. Til slutt stivpiska eggekvitar. Steikast på 180 gr. i 30 - 40 min.

FYLL OG GLASUR

175 g meierismør

1 hg melis

1 eggeplomme

1/2 plate kokesjokolade

1/2 dl sterk kaffi

Rør smør og melis. Ha i eggeplomme. Smelt sjokoladen i kaffien og bland dette i når det er kaldt. Del kaka i to og ha kremen mellom og over kaka. Frys ho.

OVERTREKK

1 plate kokesjokolade

1 ss varmt vatn

1 hg melis

Smelt sjokoladen i vatn, ha i melis og rør til det er blankt. Ta kaka ut av frysen og ha overtrekket på medan ho er hard. Pynt med valnøtter. (Eg pynta med mandlar).

Hugs å ha med ei lita julegåve på neste klubbkveld!

2010-11-22T20:41:00.002+01:00

Lever inn gåva når du kjem (ein liten ting til max kr 50) så får alle ei gåve på kvar!

Klubbaktivitet i desember: vi syr julekort!

2010-11-21T19:29:00.003+01:00

Her har Liv Ingunn sendt oss litt info om juleaktiviteten i desember!

Vi syr julekort på papirsaum eller stoff og kartong. Du treng utstyr til papirsaum. Til julekort ellers treng du papp/kartong, vatt, julestoff(restar), -gjerne med motiv og då treng du også vlisofix. Elles kan du ha med bakgrunnstoff, blonder, kroklisser, band og ellers det du føler får å bruke. Symaskin er greit å ha med.
Dette blir spennande !

Tid for mysterium!

2010-11-20T22:56:00.001+01:00

Om du vil gjere eit djupdykk i gammalt skrap, bli med meg på Bonnie Hunter sin Mystery Quilt, sjå her

http://quiltville.blogspot.com/p/roll-roll-cotton-boll.html

Roll, Roll, Cotton Boll:
Del 1 er som følgjer: 2" striper, sy saman panel i rosa-grøn-rosa, press mot grønt, kutt opp i 2", til saman 172!
Neste del kjem om ei veke.
På Trondheim si heimeside står det litt meir om gåtesying.
http://trondheimquiltelag.blogspot.com/

Ha ei fin helg, helsing Elin.

Idas veske, Bente Malm

2010-11-16T21:13:00.019+01:00

Her kjem bilete frå veskekurset med Bente Malm første helga i november. Først ein titt på veret, "julegrana" i bakgrunnen, får snart lys.

Vakkert med haustfargar i snø, ikkje sant? Så kan vi mimre om juni-kurset, då vi sat ute og åt minestronesupa, det var starten på sommaren, og nydeleg ver.

Bente er ein dyktig kurshaldar.

Dette er Bente sine vesker- våre vesker må stillast ut på desembermøtet... Det heldt hardt å bli heilt ferdig, sjølv for dei superraske, og sjølv om Bente dreiv oss i godt tempo!

Svein var med på søndagsmorgonen og såg på arbeida våre. Kven blir neste mann ut?

Else

Jorunn

Kari

Annfrid

Solbjørg

Grethe

Solveig

Margrethe

Elin

Annlaug

Liv Ingunn

Ann Elisabeth

Pizza på søndagen

Dette var siste kurset i 2010. Vi har hatt kjekke og lærerike kurs, men slit litt med å fylle opp med folk. Andre klubbar har motsett "problem".

Meir frå klubbmøtet i november

2010-11-09T23:25:00.002+01:00

Kjenner du Vin(H)elgen?

Reidun har sydd denne kjempesøte utgåva. Tappen er under fikenbladet, ja der er ein vinkartong med tappekran inni...

Klubbmøte november 2010

2010-11-09T19:28:00.014+01:00

Klubb-aktiviteten denne kvelden stod Anna Henden for. Ho er pensjonert lærar og ein dyktig quiltar. Ho har ikkje gløymt gamle kunstar med formidling. Alle som hadde med symaskin, laga små syboksar.

Ingunn frå Primula på Eid kom med butikken sin, det er alltid eit populært innslag! Kursansvarlege i Eidaklubben, Aslaug, var også med. Kjekt med besøk!

Vis og fortel!

Bileta får tale for seg, denne dama hadde nok rekord i tal på visningar denne kvelden!

Jorunn:

Anne har sydd frå Hånd i hanke-boka.

Kari S?

Framleis dukkar det opp ting frå AnnaKa-kurset!

Godt motto, eller?

Anna med retro-løpar og pute frå AnnaKa, veldig fint!

Birmingham-veske?

Den Liven, den Liven....

Meir frå Ann Elisabeth:

Eige design frå A.E.

Marie?

Annlaug? Resultat frå klubb-aktiviteten i oktober.

Kven var dette sitt, skal tru?

... og denne?

Beklager at ikkje alle har fått namna sine med her. Eg hugsar rett og slett ikkje kven som stod bak alle produkta. Det er på tide å få avløysing, ser det ut til...

Bloggekurs på trappene i styret.

Maten var så god at han var vekk før eg fekk teke bilete. Kanskje vi kan få oppskriftene?

Elin.

Mykje anleggstrafikk - korleis køyre heilt fram til klubblokalet vårt....

2010-10-26T11:11:00.006+02:00

Vi har fleire aktivitetar på agendaen no framover, og det kan vere greitt å vite korleis ein kan manøvrere seg fram til klubb-lokalet vårt på Gloppen ungdomsskule. Det er anleggsarbeid i stor stil ovanfor skulen, ved Firdahallen. Det beste er pr. dato å køyre rett opp frå Sørstrandsvegen og parkere ved skulen. Bommen er open!

Følg med på bloggen om det blir endringar i dette.

Stemningsrapport frå Haugesund

2010-10-26T10:36:00.009+02:00

Liv Ingunn skriv: "Ja, eg har altså vore på tur til Haugesund, og det passa seg slik at Vestlandstreffet var denne helga og. Eg kontakta Haugtussa Quilteklubb av andre grunnar, men blei då invitert til å vere med på eit kurs som ikkje var fullteikna. Så det blei til at eg og dottera mi, Annette, sa ja takk til det, og fekk med oss eit 4 timars kurs laurdag.

Vi skulle sy ei veske, og Annette var veldig spent, for ikkje hadde ho gått kurs før, og ikkje hadde ho sydd veske. Symaskin fekk ho til jul for snart eit år sidan, så litt sying av enkle ting, som mor har lært ho, er det blitt.

Laurdag starta kurset kl. 11, og det var Sol Stensland, Lappesol, som var kursleiar. Og som de ser av resultetet, gjekk denne kjempegreitt. Ei flott veske for nybyrjarar, og vi som har sydd litt, syns det var kjekt å bli ferdig med heile produktet før vi avslutta. Vi hadde tid til overs, og fekk sett litt av det dei andre kursdeltakarane heldt på med. Elles er Birminghamveske, som den vert kalla, veldig fin å utvikle med litt lommar og eventuell størrelse. Har fått løyve til å lære den vidare om det er ønskje om det. Skal ta med veska mi på neste klubbkveld."

Annette ivrig og konsentrert med å sy!
Modell frå kursleiar. (Elin klarer ikkje å opne biletet av Annette si veske, kanskje Liven kan sende på nytt?)
Endå ein modell, her er det brukt gamalt broderi. Fretex skal visst vere ein fin plass å finne slike broderi. Kanskje er det mange som har heime og, ligjjande i skuffer og skap.

Veske etter Bente Malm design, stoffet kjøpte Liv på treffet. Kjempekjekk å sy!

"Litt handel blei det og, men ikkje så mykje når mesteparten av tida gjekk til kurs. Det var mange flotte butikkar der, flott utstilling, og så masse hyggjelege folk. Vi hadde ein kjempefin dag på treffet."

Tusen takk til Liv Ingunn som har sendt inn stoff til bloggen!

Apropos Vestlandstreff: Ein kan lese på Nordfjord Lappe- og Quilteklubb sin blogg ("Eidabloggen" at det blir Voss som skal arrangere i 2012). Så veit vi det!

Tepper som varmar - og litt til

2010-10-15T10:17:00.005+02:00

(Dette biletet er lånt frå nettet)

Har du framleis lyst til å sy tepper til barn på Radiumhospitalet? Vi minner om at du kan få gratis vatt og betalt frakt frå klubben. Berre gje beskjed til styret!

Klikk deg inn på Teppe-aksjonen og få meir konkrete opplysningar!

Her er nokre lenkjer som kan vere til inspirasjon:

Trondheim - Tepper til St. Olav http://tepper-trondheim.blogspot.com/

Heartstrings - Blogg frå USA http://heartstringsquiltproject.com/

Når du klikkar deg inn på NQF si side, enten her, eller på knappen til høgre, kan du lese om Oslo Quiltefestival, som går føre seg no den 23. - 24. oktober.

Der står vidare om årsmøtet 2011, som går føre seg i Tromsø 18. - 20. mars. Dei som er medlemmar i quilteforbundet veit vel dette allereie, elles så kan det vere eit spark til å melde seg inn. Medlemsbladet er veldig kjekt å få i posten!

Kunne det vere ein ide at folk som kunne tenkje seg å reise, t.d. på årsmøtet, publiserer det på klubbmøte? Det kan godt hende at det er andre som kunne ha lyst på reisefølgje, og som ikkje vågar seg av garde på eiga hand. Noko å tenkje på?

Vestlandstreffet 2010

2010-10-12T11:12:00.006+02:00

Kvilteklubben i Haugesund har fått seg blogg, klikk på lenkja og sjå bilete frå den lekre utstillinga dei hadde på Vestlandstreffet!

Kanskje nokon av medlemmane var der? Send gjerne over bilete!

Oktobermøtet, vis og fortel!

2010-10-07T22:39:00.026+02:00

Nokre Buggy Barn-tepper etter forige kursaktivitet:

Først teppet til Kari. Det blei kjempefint! Ho har kjøpt "Katta i sekken", og har dermed mange artige stoff i lageret sitt. Kakestoffet er eitt av dei...

Teppet til Liv Ingunn!

Teppet til Solveig!

Teppe 1 til Margrethe!

Stoffa er frå Juul og Wolff Hatling sin CW-klubb for nokre år sidan.

Teppe 2 til Margrethe!

Ingen tvil om at dette er "heftige" fargar og mønster. Nokre av oss diggar det, andre har andre oppfatningar. Fram for variasjonane!

Margrethe sin løpar.

Liv Ingunn har laga endå eit smykketeppe ala AnnAKa!

Og toalettveska til Bente Malm!

Anna si toalettmappe, med ekstra teknikk på glidelåsen.

Reidun har laga ferdig nokre fleire ting frå Ann sitt kurs i juni.

Marie har laga denne nusselege posen frå Northern Quilts.

Randi Røys frå Nordfjord Lappe- og Quilteklubb har designa denne flotte løparen.

Men kven var det som hadde sydd den???

No må fotografen få med ansiktet når ho fotograferer, slik at det er råd å hugse kven som står bak....

Grethe har laga nokre kjempelekre løparar, her er ein ekstra stor løpar!

Er det ein AnnAKa-løpar som er utgangspunktet, tru?

Ho har også sydd denne løparen frå Northern Quilts.

Nye stoff frå Primula Design! Neste gong kjem Ingunn med butikken sin. Det passar veldig bra, då kan vi få utstyrt oss skikkeleg til kurset med Bente Malm same veka, og kanskje fornye oss litt i julestoff?

Dei danske kalenderjentene!

Elin bloggar er med i ei internettgruppe med Helene Juul, og har kjøpt den noko spesielle kalendaren for 2011. Det er syklubb-veninner av Helene som stiller opp i Evas drakt, drapert i sine eigne kviltar, inspirert av Calendar Girls-filmen. Inntektene går til brystkreft-saka.

Dei danske damene er utan tvil modige!

Det høyrer med til historia at faren til Helene fekk sjokk då han kosa seg med frukosttv og plutseleg såg dottera si naken på skjermen!
Dette er eit apropos til Rosa Sløyfe-aksjonen vi har i oktober.

Laurdag har Helene spesielle tilbod på rosa stoff i nettbutikken sin.

Oktobermøtet, nytt utstyr til klubben

2010-10-07T19:34:00.003+02:00

Vi har kjøpt inn lysbordet frå PolarQuilt. Denne får medlemmane bruke på møta, det er ikkje til heimlån.

Janne hadde fått i oppgåve å prøvekøyre lysbordet. Her demonstrerer ho korleis ein lett kan teikne av stitcherymønster.

Dette er eit svært godt hjelpemiddel. Tenk berre på speglvending av applikasjonsmønster!

Oktobermøtet, klubbaktivitet

2010-10-07T19:17:00.014+02:00

Klubbaktiviteten denne kvelden: Friendship bag!

Anna blei ferdig med si veske.
Enda ei veske blei ferdig.

Margrethe held på med den lille veska.

Det var ein veldig kjekk klubb-aktivitet, kjekt å få symaskina fram i lyset igjen!

Marie lagar jojo-ar til pynt.

Nokre av Inger sine modellar.

Belgiske vafler og norsk eplekake!

Klubb-aktivitet i oktober pluss youtube!

2010-09-25T13:43:00.006+02:00

"Å lage noko ut av ingenting" er mottoet for komande klubbmøte!

Vi må ha med:
Symaskin, knappenåler, tusj, skjæreutstyr (her kan vi låne med kvarandre dersom nokon ikkje har), linjal (helst inch, men det går med cm også). Stoffrestar: Til veska bruker vi striper som er 5 inch lange og ca 1,5 inch breie. Det er praktisk med eit heilt stykke som er 8,5 x 5 inch til botnen. Til foret brukar vi eit heilt stykke på 14x 8¼ inch. Til hankane treng vi to stk remser på 2¼ x 10 inch. Vi treng også eit stykke med vatt eller noko stødig litt tjukt stoff på 14x 8¼ inch.

Mønster får du på møtet.

Ta gjerne med stitchery- eller applikasjonsmønster som du har liggande som skal over på stoff, Janne har prøvd ut den nye lyskassa til klubben. Kassa er ikkje til utlån, men til bruk på klubb-kveldane.

Er du kjend med youtube.com? Her finn ein utruleg mykje kjekt som går på framgangsmåtar i ulike lappeteknikkar. Om du ikkje er så stiv i amerikansk, så er det veldig instruktivt. Går du til denne linken under, og har ei lita humrestund, så gå vidare i filmsnuttane som ligg til høgre. Her er underhaldning og inspirasjon for mange mørke og våte haustkveldar! NB: Om det går dårleg med avspelinga (mange stopp) ein kveld, går det som smurt ein annan kveld, så stå på!

Hundre måtar å gøyme stoffet på!

Kurs med Bente Malm og Norsk Quilteblad

2010-09-16T16:51:00.006+02:00

På siste møtet (det første denne sesongen) fekk folket studere veskene til Bente Malm, og ut frå påmeldinga, er det klart at vi går for Idas veske.

Trur det blir eit veldig lærerikt og kjekt kurs. Eg har fått i hende materialliste, som blir delt ut på oktobermøtet. Der er framleis nokre ledige plassar, så vil du sikre deg, tek du kontakt snarast. Vi gjer det slik at kurspengane skal innbetalast på førehand, sjå kontonr. på bloggen. Vi tek som vanleg 550 + 100 til mat. Då er kurset bra sponsa, så det er flott om alle som ønskjer det, vil melde seg på.

Kurset går føre seg på ungdomsskulen, fredag til søndag, 16 timar totalt, første helga i november.

Gå gjerne inn på Bente Malm si heimeside og sjekk ut.

I dag kom Norsk Quilteblad i posten. Der var flott artikkel frå regionstreffet!

Følg med framover, her kjem snart innlegg om klubb-aktiviteten i oktober!

Buggy Barn

2010-09-12T11:42:00.005+02:00

Denne hausten blir det mykje symaskinsaum på klubbmøta. 1. september var det pang-start, med eit kanskje litt for stort prosjekt for ein klubb-kveld, men alle som ville, fekk i alle høve lære seg buggy barn-stjerna. Dei som ikkje hadde med seg symaskin, fekk mønster med heim. No skal det bli spanande å sjå på oktobermøtet om nokon er blitt ferdige!

Kari hadde med seg mykje lekkert og morosamt stoff, og jobba konsentrert!

Dette sydde eg saman etterpå. Håpar det kan bli kvilta før septembermøtet. Dette blir juleduk utan julestoff.

Buggy barn betyr vel låven til hestevogna, eller kva? Skikkeleg amerikansk er det i alle fall!

Snart kjem det innlegg om neste klubbaktivitet, så følg med!

Elin.

Kjenner du Epla?

2010-09-04T09:25:00.003+02:00

På klubbmøtet onsdag snakka eg med nokon "rundt bordet" om nettstaden Epla.

http://epla.no/

Dette er ein stad der ein kan starte opp butikk, eller ein kan gjere som meg, gå inn og få inspirasjon, og gjerne handle.

Mange av seljarane har bloggar, dei er opplista til høgre. Elles så er det berre å søkje på t.d. lappeteknikk (der er ikkje så mykje av det enno). Det kan også vere interessant å sjå kva prisnivå det ligg på. Sjølv har eg handla strikkepinne-etui, rundpinne-etui, barnegensar m.m.

Les t.d. her http://epla.no/ukens/ida/ om Ida som blei "ukens selger" for ei stund sidan.

Her er i det heile teke masse lesestoff, masse idear om ulike handarbeid, inspirasjon i lange baner.

Ha ei fin helg!

Helsing Elin.

Ny sesong har starta!

2010-09-03T17:42:00.027+02:00

Gloppen Lappe- og Quilteklubb har starta haustsesongen. Vi har alltid møta våre den første onsdagen i månaden, og i september blei det på den 1.

Det var kjekt å møtast igjen. Sist mange av oss var ilag, var på kurset med AnnaKa i juni.

VIS OG FORTEL Marie viser "restar" frå Roseteppet, som ho laga til utlodning på regionstreffet i april.

Janne held på med handsaum, dette er nok ein WISP, work in slow progress, det blir eit nydeleg blått sengeteppe til slutt. Grandmother's Flower Garden. Det geniale her, er at ho syr over frysepapir, slik at det er mjukt og føyeleg å arbeide med, samanlikna med papp.

Liv Ingunn har sydd fleire minnetepper etter inspirasjon frå AnnaKa.

Dette var vel innkjøpt på Quiltekroken i Bergen?

BH-toalettvesker

Frodige, fyrrige damer, Ann hadde med seg mange herlege sy-på-lappar i retrostil.

Laila med smykketeppet sitt. Janne med smykketeppet sitt.

Minneteppe

Annlaug sitt smykketeppe, baksida, genial løysing!

Framsida

Liv Ingunn sitt smykketeppe, mørk bakgrunn.

Solveig sitt smykketeppe.

Inger sitt smykketeppe, skikkeleg retro!

VESKER!

Vennskapsvesker har Inger sydd mange av. Neste klubbaktivitet blir slike vesker.

Liv Ingunn med ny veske.

Annlaug si søte miniveske.

Reidun har sydd veske etter mønster frå Mjåset i Askvoll.

Enda ei veske frå Liv Ingunn?

I staden for å putte prosjekta i veska etter vis og fortel, legg vi dei på bar-disken, slik at folk kan få studere i fred og ro.

Deilig mat som vanleg, har diverre ikkje oppskrifter denne gongen.

Lefsene er frå Mega, men ser veldig heimelaga ut, og smakar nydeleg. Sjekk det lekre retro-brettet!

Kurs med AnnAKa!

2010-06-22T10:27:00.033+02:00

Første helga i juni var det mykje på tapetet i Gloppen. For lappedamene som hadde meldt seg på kurs, blei det ei fantastisk helg. Ann greidde å engasjere og røre deltakarane med sitt fine og avslappa vesen og sin rikhaldige kunnskap og gode pedagogiske evner.

Først eit bilete frå lunsjen på laurdag, med ærverdige Firda Gymnas i bakgrunnen.
Det er no å håpe på fleire slike finevershelgar i sommar!

Gloppen Ungdomsskule, her er det fantastisk å arrangere kurs, i alle høve sommarstida. Berre å late opp dørene og gå rett ut på benkane når ein vil ha frisk luft.

Men eigentleg hadde vi ikkje tid til denslags anna enn når det var kaffipause...

Ann fekk ein antikk kopp frå Antikk og Rarieteter som minne frå Gloppen-kurset.

Så til sjølve kurset. Her er først nokre modellar som Ann hadde med seg, små og større ting som vi kunne lage. Tema var "gamle skattar".

Alle kursdeltakarane minus underteikna begynte på smykketeppet. Det var ganske utruleg kva enkelte hadde med seg av gamle skattar.

Nokre inntrykk av damer i konsentrasjon:

Det blei sydd smykketeppe på svart bakgrunn og på kvit/lys bakgrunn, og eit ekte retroteppe!

Korleis skal ein gripe saken an?

Her skal det lagast toalettvesker, utruleg nok...

Vi har bestilt AnnAKa for fleire kurs, men veit det kan ta si tid før ho igjen har ledig tid på blokka si.

Så blir det spanande å sjå dei ferdige produkta på klubbmøta utover hausten!

God sommar!

Sesongens siste klubbmøte!

2010-05-05T22:36:00.017+02:00

Siste klubbmøte for sesongen er over. Det blei ein ekstra hyggeleg kveld med pizza-kos, i tillegg til kaffi og kaker. Vi evaluerte regionstreffet, hadde gratis-lotteri, vis og fortel, og vi såg litt framover. Det blei levert ut program for kurset med AnnAKa og for haustsesongen.

Vi seier takk for eit veldig kjekt klubb-år, og ønskjer alle ein god sommarferie!

Marie sin løpar.

Elin sine Buggy Barn-puter, halvferdige, dette er modellar for septembermøtet, dei som vil, tek med symaskinen og lærer denne morosame teknikken.

Kari E. sine kuvert-brikker.

Solveig si veske.

Liv Ingunn si veske.

Margrethe si veske, skikkeleg match med sko og det heile...

Lekkert for-stoff og raudt glidelås.

Annlaug sine løparar.

Anna med ferdig topp, nok eit lekkert, stort teppe!

Kari S. sin høneløpar, kan vi kalle det ein Sponheim?

Liv Ingunn sin AnnAKa-løpar, nydeleg, her er brukt gardinprøver, tynne, med vliselin på.

Inntrykk frå utstillinga søndag

2010-04-20T23:07:00.037+02:00

Dette blir siste blogg-innlegget frå regionstreffet. Søndag var det utstilling både av lokale og tilreisande kviltarar. Det var utruleg mykje flott og inspirerande å sjå, og det er ikkje så lett å fordøye alt når ein går rundt og ser. Då kan ein ta seg ein blogg-runde og mimre tilbake. Tips: Klikk i biletet, og det er sjanse for at det blir større.

Lukke til!

Då er det berre å sjå framover eitt års tid, og ønskje Florø til lukke med treffet neste år!

Foredraget under regionstreffet

2010-04-19T22:41:00.017+02:00

Årets foredragshaldar var Wenche Wolff Hatling. Ho ga oss ei interessant innføring i reproduksjonsstoff, bakgrunn, farge, mønster, historiske fakta, kort sagt: Back to basic! Dette er fagleg påfyll som kan setje hobbyen vår i perspektiv.

Dargate-boka var utruleg viktig for ettertida!

Wenche hadde fått tilsendt nokre antikke quilttoppar frå Helene Juul i Danmark. Dette var svært interessant å sjå, blokkene er dei same som vi syr no til dags, alle dei amerikanske blokkene har namn som har ei tyding. Denne blokka er Pinwheel eller Windmill, og som ein ser, så er ikkje alle blokkene sydd riktig. Somme stader er stoffbitane skøytte for å få nok.

Chinese coin-quilt

25-blokker snudde på kant med fyllblokker mellom.

Baby Quilt

Etter foredraget fekk publikum både ta og føle på og studere dei gamle toppane, som var handsydde.

Tusen takk Wenche for det flotte foredraget, og takk til Helene som har lånt ut dei antikke quilte-toppane!

Litt av kvart under regionstreffet...

2010-04-19T22:04:00.014+02:00

Ingen kunne vel klage på maten på årets treff! Vegetarsupa, sunt og godt, og kakebord, usunt og enda betre...! Denne kaka får stå som ein representant for alt dette, utruleg god, nøttebotn, krem, frisk frukt og friske bær. Heldige var dei som fekk eit stykke av denne!

Liv Ingunn Holvik leia treffet med stø hand. Ho gjekk ut av styret ved siste årsmøte, men har vore primus motor under planlegginga heile tida. Namneskilta til gloppetausene var runde og gode, og vitnar om godt hjartelag!
Denne vennegjengen er berre utruleg. Slik vil eg og ha det når eg blir pensjonist, glad lappedame på treff! Anna Henden og Kirsten Lyslo med Patricia Iden og Marie Brendefur mellom seg, dei to siste var tilreisande. Patricia får ein presentasjon under eit anna innlegg her. Marie frå Ålesund er kjend for sine sjølvfarga stoff, og ho har sommarhus i Honndalen, der ho tek imot vener til farging og sosialt samver. Det stod ein stor artikkel om henne i Quiltemagasinet for nokre år sidan.
Kari Standal har vore med i klubben vår frå starten av. Her les ho opp prologen som Edny Dale Fossheim hadde skrive. Morosam tekst om karar på sykkel og jakt, og damer som kosar seg med kvilten.

Situasjonsbilete ei lita stund før foredraget tok til. Salen her er den gamle kinosalen vår, før vi fekk Trivselshagen.

Muffinsar som blei laga på ein klubbkveld i januar!

Foredragshaldaren og tok seg 5 minuttar frå butikksalet for å få seg ein liten matbit og studere Repro Medallion-quilten som ho har designa i samarbeid med Helene Juul, og som ei i klubben har sydd. Dette teppet var ein del av eit repro-abonnement frå Wolff og Juul. Torill sydde dette flotte forkleet til forige regionstreff som vi arrangerte i Breimshallen i 2004.

Reidun, Sonja og Jorunn ved innsjekkinga. Det var nok kjølig å sitje her, sidan det var nesten kuldegrader ute, men like blide var dei!

Lotterinemnda hadde gjort ein flott innsats, i lag med alle dei andre nemndene (!), dugnadsånda er til å ta og føle på. Det blei kommentert at gevinstane var mange og flotte. Hovudgevinsten i bakgrunnen er sydd eine og åleine av Marie Myklebust!

Marianne og Janne har her avslutta loddsalet, som gjekk strykande.

Hovudgevinsten gjekk også denne gongen til ein lærar ved GU!

Butikkane på regionstreffet!

2010-04-19T21:13:00.011+02:00

Det var mange butikkar representerte på årets treff, trur alle hadde godt sal denne dagen. Synd for dei 2 butikkane som måtte melde avbod!

Northern Quilts ved Wenche Wolff Hatling. Denne butikken designer sine eigne ting, og er vel ein av dei mest kjende nett-butikkane i Noreg. Spesielt er også utvalet av reproduksjonsstoff.
Mona Bauge ved Quiltekroken i Bergen. Mona er godt kjend med glopparane, då ho har halde 2 kurs her for nokre år tilbake.
Desiree's Lappeteknikk er kanskje størst på nett i Noreg? Desiree kjem frå Sande i Sunnfjord. Den fysiske butikken ligg ved E39, gjennomfartsåra til Bergen, og er eit syn i alt sitt utval. Ho tek gjerne imot besøkande etter avtale.

Søm Beem, Bente Mjåset frå Askvoll har prøvd seg på nye ting, ho har designa løparar og vesker.

Florø Husflid hadde gode tilbod, og rapporterte om godt sal!

Trapp Ned er Førde sin lappebutikk, velkjend for det vesle, gule huset ved elvebreidda i Førde.

Primula Design er Eid sin representant, Ingunn Vaksdal er alltid like blid. Vi glopparane er veldig takknemlege for at ho held koken og forsyner oss med stoff og tilbehør når vi treng det!

Patricia Iden er Janome-dame og kurshaldar. Ho har spesialisert seg på maskinstitching. Ho har nære vener i Gloppen, og trivast godt her. Bilete av henne på eit anna innlegg. Ho hadde ikkje butikk, men får bli med i denne kategorien likevel!