Dear Jane og Nearly Insane

Denne helga har Førde Quiltelag stått som arrangørar for eit kjempebra kurs for alle som er glade i blokker, papirsaum, applikasjon m.m.

Dama til høgre vil sy Nearly Insane, dama til venstre held på med Dear Jane og dama i midten har sydd begge!

Vi ynskjer Hanne Schneider velkomen til kurs på Sandane i november!

Her viser Hanne fram den imponerande Dear Jane-quilten sin! Mange fekk nok sjå denne på Eid på regionstreffet i fjor. Hanne held kurs i ulike teknikkar ein nyttar i desse blokkene. Utruleg nok var ikkje kurset fullteikna, så neste gong ho kjem (ja, det blir nok oppfølging med sjanse for fleire å prøve seg), vil vi verkeleg anbefale å ta turen til Førde!
Ein treng absolutt ikkje sy ein heil kvilt, det er fint å berre sy mindre ting, som her: ein søt liten duk som har blokker som går att. Blokkene til Jane Stickle er så spesielle at dei er lette å kjenne att, trur ikkje det er så veldig mange tradisjonelle blokker blant dei 161 + kanten...

Vil du lese meir om Dear Jane, kan du klikke her
eller her.

Her er blokker sydd i batikk.

Hanne sydde Nearly Insane på nokre få månader, ho hadde bestilt quilting i USA før ho reiste på Dear Jane-treffet der for 2 år sidan. Trur ikkje ho tok skade av kjøret, sjølv om quilten heiter nesten gal...

Nærbilete av blokka med flest bitar, kanskje...

Skal ein sy desse blokkene, er det ein fordel å vere ven med papirsying!

Salinda Rupp er namnet på dama som står bak dette teppet, som daterer seg tilbake til 1870-åra, altså eit ti-år etter Jane Stickle. Liz Lois har teikna av mønstrene og gitt ut denne boka.

Ny quiltesesong i nytt lokale!

No er det lenge sidan siste blogginnlegg. Vi har lagt bak oss ein fin (?) sommar og er komne igong med haustsemesteret. Første onsdagen i september var det premiere på nytt og større lokale på ungdomsskulen sitt gamle bibliotek. Då var Førde Lappeklubb invitert, og i tillegg var Ingunn Vaksdal til stades med kofferten sin. Ho melde tilbake at ho var særs nøgd med salet denne kvelden, og det skulle vel tyde på ein aktiv sy-haust!

I bloggaren sitt fråver var det Sol Ulvestad som stod for fotograferinga, takk skal du ha!

VIS OG FORTEL!

Her har Annfrid laga eit lekkert teppe med pinwheel-blokker.Lekker veske som dotter til Margrete har sydd. Eplet fell ikkje langt frå stammen!

Reidun M. har sydd Anna-Ka si byveske...
...og Liv Ingunn har sydd margarittløparen av same designar.

Festfin frøken er frå Rie og Hilde si bok, sydd av Margrete. Denne blokka skal vi lære oss!

Anna viser fram koseleg stitchery.

...og tøff veske.

Annlaug har sydd ei veske, veit ikkje kven som har designa denne.

Else har sydd nusselege dongerisekkar, truleg til barnebarna.

Var dette Grete sitt teppe? Nydelege fargar.

Det er i alle fall heilt sikkert Grete si veske!

Janne har sydd veske, er det AnnaKa sitt toalettveske-mønster? Eiffeltårnet er i alle fall med!

Nydeleg sak frå Janne si hand.

Liv Ingunn har sydd dette utruleg flotte teppet frå ei av Lise Bergene sine bøker

...og nokre skikkeleg kule fotballbrikker (eller er det puter?)

Tepper som varmer-aksjonen:
Du har sikkert høyrt om Tepper som varmer, eller Care quilts. Gå inn på denne lenkja og les om aksjonen. Liv Ingunn og Margrete har allereie sydd fleire tepper. Dette burde vi gjere fleire! Kva med eit sy-saman-treff ei helg i løpet av sesongen? Då kunne vi ha det kjekt og sosialt, få bruke av stoffoverskotet vårt, og samtidig gjere noko for andre. Håpar mange tenner på denne ideen!

Du kan også lese om eit slikt sy-saman-treff som Hanne Schneider har vore med på, trykk her og her. (Klikk i det siste biletet, så det vert stort).

Liv Ingunn 1

Liv Ingunn 2

Margrete 1

Margrete 2

Margrete 3

Førdianarane med vis og fortel!

Vinhøne er ein absolutt nyttig ting!

Nydeleg løpar og boks

Hexagons, 6-kantar, er veldig populært på bloggane for tida. Nokon som hugsar dama med dei bittesmå sekskantane på Vestlandstreffet på Eid?

Fruktteppe

Tumblarar eller timeglas ser veldig kjekt ut å sy. Flott til bruk av restar.

Denne dama har kanskje vore på kurs med Mona? Fargerike og flotte ting!

Håpar førdianarane likte å vere saman med glopparane denne kvelden!