Litt nytt frå sygruppa Zting.
Sygruppa var samla fredag ettermiddag og kveld ilag med Liv og Margrethe.
Og her ser de løparen til Elise, som er laga i påske og sommarfargar i mursteinsteknikk.
Kari Anne sin løpar blir slik og får grøn lukkekant.
Kari Anne laga seg 4 stk. nierblokker og har sett det saman slik at det blir framstykke på ein pute.
Elise har sydd to nierblokker og ei skeiv log cabin blokk, som ho har sett i midten og laga ein løpar av dei.
Så har jentene prøvd å laga sitt eige stoff ved hjelp av ,solvy. Dette er faktisk kjempegøy, eg, Liv har berre prøvd det ein gong, men dette skal nok gjerast fleire gongar. Ein fin klubbaktivitet,også. Tek litt tid å sy, slik at alt heng saman, men litt utfordringar må vi ha. Skal bli toalettveske/sminkepung av dette.
Sjølv om vårt nye hefte,Kreativ saum, er trykt opp, har vi i år laga ein del blokker, som jentene får velja kva dei skal brukast til. Dei er vidarekomne og som i alle prosjekt i 4H, kan ein og laga eigne prosjekt utifrå eit prosjekthefte.
Og så er det alltid like kjekt og ikkje minst supergodt, når Ingrid har laga cup cakes til oss. Litt ny energi medan vi syr, er viktig.
Ingen kommentarer:
Legg inn en kommentar