Litt forskjellig...

Er du klar for årets MYSTERIUM? Bonnie Hunter og i alle fall ei dame i vår klubb er klar! 23. november går startskotet for prosjektet Easy Street, men allereie no kan du sjå kva slags stoff du kan samle ihop. Du kan sjølvsagt velje andre fargekombinasjonar enn Bonnie.
Kan du forstå kvifor ho startar denne leiken ein månad før jul kvart einaste år? Men morosamt er det. Mønsteret vil ligge på bloggen hennar fram til sommaren.

Blir nokon med??


Underteikna hadde gleda av å vere på kviltekafe på Kathrines Quiltestue sist torsdag, heilt tilfeldig! Eg var så heldig å finne dette heftet, som eg har leita etter mange stader utan hell. Inne i heftet er mange kjekke juleprosjekt basert på stitchery. Om nokon er interessert, så kan ein ringe eller skrive til Kathrine, tlf.nr. står på bloggen hennar.

På klubbmøtet fortale Kari E. om Dear Jane- programvara som klubben har kjøpt inn. Ho har laga ei enkel forklaring til korleis installere og kome igong. Her kan ein verkeleg leike seg med blokker på skjermen, stoff, fargar, storleikar, og så kan ein printe ut mønster i den storleiken ein ønskjer. Mange av blokkene er tenkt sydde på papir, og då er dette ganske genialt.
CD-en og instruksjonsboka vil bli lånt ut til dei som ønskjer å prøve dette. Spør nokon i styret kven som til einkvar tid har utstyret. Det går kjapt å installere!

Helga rundt 1. mars 2013 kjem Hanne Schneider tilbake til oss, og då får vi lære meir om blokker! Set av helga allereie no.

Helsing Elin.

Mai-møtet, Buggy Barn og Dear Jane

Tema for mai-møtet var krympestoff. Her er nokre av resultata, søte hjarte.

Vis og fortel:

 Reidun frå Breim (ei av dei) viste fram fine toalettvesker og ei koppeveske.

 Sally har sydd alle blokkene i Kitten's Tale av Lynette Anderson, men har montert dei kvar for seg i staden for i eit heilt teppe. Smart!

 Grethe har sydd eit stort teppe etter kurset med Hanne.

 Ei anna Kari har sydd heilt ferdig eitt av arbeida frå kurset med Hanne.

 Og her har ho sydd ein ny kvilt, ein type ananasmønster?

 Masse bonus-blokker!

 Veska til Margrethe.

 Solveig hadde mykje å vise fram, her AnnaKa sitt teppe.

 Fleire løparar med nydeleg stitiching i stilkesting.

 Anna har sydd sunflower-nåleputer.

Kurs i oktober:

Klubben har fått avtale med Helle Løvenskjold om kurs i Buggy Barn-teknikken ei helg i oktober. Ho har fleire alternative mønstre, men deltakarane må vere einige om eitt mønster. Dette mønsteret må kjøpast før kurset. Om nokon reagerer på dette, så les bakpå eit kjøpemønster, t.d. av AnnaKa: "Enhver form for mangfoldiggjøring av mønsteret, uten samtykke fra meg, er ulovlig. Begrepet mangfoldiggjøring omfatter all form for kopiering, kursing (der hvor  kursdeltakere ikke har kjøpt hvert sitt mønster) og/eller publisering i massemedia, av mønstermateriale."  Ein ser her at når instruktøren underviserer i andre sine mønster, må det bli slik.

 Ein kan velge mellom 4 typar teppe: Hjarteteppe (dette biletet har Margrethe teke i Florø), katteteppe (modellen her er Helle sin), blomsterteppe (her er Åse Kjærland sitt uferdige teppe) eller stjerneteppe (her er eg ikkje sikker på kva type, då Buggy Barn har mange forskjellige stjerneteppe.

Dear Jane....Kjære Jane Stickle 

 Mange i klubben har fått sansen for blokk-sying. No har klubben kjøpt inn data- programvare til Dear Jane-kvilten. Med dette programmet kan ein "leike seg" med å designe sin eigen store eller vesle DJ-kvilt. Ein kan printe ut blokkmønstrene i mange storleikar, og legge på farge. Her er ein god del applikasjon i forskjellige variantar, pluss papirsying. Hanne Schneider er nok Dear Jane-eksperten her i landet, med gode kontaktar i USA og Canada. Det hadde vore moro om ho kunne halde eit kurs for oss, slik som ho gjorde det i Førde for nærare 3 år sidan. Der underviste ho også i ein annan kjend kvilt, Nearly Insane. Det finst også nokre online-stader der ein kan få hjelp i konstruksjonen av blokkene, til dømes hjå That Quilt.

Denne kvilten er verdskjend, og Brenda Papadakis har verkeleg hatt suksess med boka Dear Jane. Frå museet i Vermont teikna ho av alle blokkene på originalen. Quilten er vel ganske mytisk, i og med at ein ikkje veit noko særleg om Jane Stickle, men quilten er datert 1863, under borgarkrigen, og merka med kor mange delar der er: "In War Time 1863, Pieces 5602, Jane Stickle".

 Det er ei veldig kjekk bok, og kan t.d. kjøpast her. Dei to linjalane er vel eigentleg også eit must, om ein vil sy blokkene i originalstorleiken.

For dei som var på regionstreffet på Stårheim for nokre år sidan, der Hanne Schneider heldt foredrag, er det vel også kjent at Nordfjord Lappe- og Quilteklubb lodda ut fleire større og mindre variantar av dette teppet, i blått og kvitt, med blokkstorleik 6". Det var eit impnerande arbeid av medlemmane der!

Då har vi litt å tenkje på til hausten! Kanskje ein kunne ha ei blokk-gruppe for dei som er interesserte?