Mai-møtet

Denne kvelden laga vi sakse-etui i japansk bretteteknikk. Veldig kjekk teknikk, takk til Anna som hadde regien for dette. Bilete av ferdige produkt kjem etter neste klubbmøte til hausten, då må folket ta med seg etuia for avfotografering!

Handlenettkonkurransen:
Det kom inn 16 eksemplar til konkurransen. No viser det seg at handlenettbegrepet er ganske vidt, og i og med at det ikkje var sett avgrensingar av noko slag, var dei innkomne netta/veskene veldig forskjellige. Det var gjort mykje godt arbeid her!
Og dette er den som fekk flest stemmer av medlemmane, Annfrid, ho blei den heldige vinnaren av sjølvvalde stoff for 500 kr frå Primula Design. Gratulerer!

Vis og fortel:

Marie hadde fått ferdig påskeløparen sin. I tillegg er det hennar produkt dei 3 neste under her.

Ingeborg viser fram det herlege slumreteppet ho har laga, fleece på baksida. Mønsteret på dei to blokkene har stått i Quiltemagasinet.

Ingeborg sitt skilt.

Ho viste også fram det flottet teppet ho vann på regionstreffet. Her er eit nærbilete av den fantastiske kviltinga.

Marianne har gjort store fornyingar i huset sitt, og her fortel ho om korleis denne vakre bargelloen blei til som ein del av denne fornyinga.

Margrete viser fram byrjinga på det som skal bli eit strandteppe. Ho bruker av det store gule lageret sitt, og syr store blokker i quilt-as-you-go-teknikk. Kjempesmart!

Anna har sydd 4 juletrematter, og dette er ei restematte, utan sokkar denne gongen. Flott!

Skikkeleg shoppe-nett!

Ei samling "vårløparar" frå aprilmøtet!

Stitcherymapper

Dette er Janne si mappe.

Dette er Marie si mappe.